ەندى ەلگە اعىلعان رەسەيلىكتەر جەكە سايكەستەندىرۋ ءنومىرىن ءاپ-cاتتە الا الادى. بۇل جايلى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى "ادىرنا" ۇلتتىق پورتالى.
بۇل جايلى مينيستر رەسەيلىك قاشقىندار ءۇشىن ارنايى قىزمەت كورسەتىپ جاتقان "جاستار" سارايىنا بارعاندا ايتتى.
"ەندىگىدە جسن الۋعا ءوتىنىش بەرگەندەر ءۇشىن قايتادان ۇزىن سونار كەزەككە تۇرىپ، ەكىنشى رەت كەلۋدىڭ قاجەتى جوق. جسن ولاردىڭ تەلەفون نومىرىنە 1414 قىزمەتىنەن حابارلاما تۇرىندە تۇسەتىن بولادى. بۇل بارلىق حالىققا قىزمەت كورسەتۋ ورتالىقتارىنداعى كەزەك كۇتكەن ازاماتتارعا قاتىستى. مۇنىڭ ارقاسىندا كەزەك كۇتكەندەردىڭ قاتارىن سيرەتىپ، قىزمەتىمىزدى وڭتايلاندىرامىز", - دەدى مينيستر.
