اقش رەسەي ۇكىمەتىنىڭ ارەكەتىن الاياقتىققا ساناپ، ۋكراينانىڭ زاڭدى تەرريتوريالارىنا قول سالعانىن سىنعا الدى. ۋكراينانىڭ ءوز ايماعىنا تولىق يە بولۋىنا كومەك كورسەتەتىنىن جەتكىزدى، دەپ حابارلايدى "ادىرنا" ۇلتتىق پورتالى. امەريكا پرەزيدەنتى دجو بايدەننىڭ بۇل مالىمدەمەسى اق ءۇيدىڭ سايتىندا جاريالاندى.
مالىمدەمەدە:
"امەريكا قۇراما شتاتتارى رەسەيدىڭ ۋكراينا جەرىن اننەكسيالاپ العانىن تازا الاياقتىق ارەكەتكە بالايدى. رەسەي بۇۇ مەن حالىقارالىق شارتتاردى بۇزدى. بەيبىت ۇلتتاردىڭ شىرقىن كەتىردى" دەلىنگەن.
سونىمەن قاتار، دجو بايدەن سوعىس ورتىنە ورانعان ايماقتاردا ۋكراينا مۇددەسىنە جاقتاساتىنىن، ونىڭ تەرريتوريالىق تۇتاستىقتارىن ساقتاۋعا، قورعاۋعا جاردەمدەسەتىنىن جەتكىزدى.
"رەسەيدىڭ بۇل ارەكەتى، تىپتەن، زاڭسىز. اقش حالىقارالىق زاڭنامالارعا ساي مويىندالعان ۋكراينانىڭ تۇتاس تەرريتورياسىنا قۇرمەتپەن قارايدى. سوندىقتان، ءبىر ۇرىسقا قارۋ جەتكىزۋدى جەدەلدەتىپ، ۋكراينانىڭ قارۋشى كۇشتەرى مەن ديپلوماتيالىق ۇستانىمدارىن نىعايتۋعا ات سالىسامىز", - دەدى پرەزيدەنت.
