اقش-تىڭ "USS Ross" زىمىران جويعىش كەمەسى بۇگىن قارا تەڭىزگە بەت الدى. بۇل تۋرالى كيەۆتەگى امەريكا ەلشىلىگىنىڭ ءباسپاسوز قىزمەتى Twitter-دە حابارلادى.
"USS Ross" امەريكاندىق زىمىران جويعىش كەمەسى قارا تەڭىزگە "Sea Breeze-2021" اتتى اسكەري وقۋ جاتتىعۋلارىن وتكىزبەكشى. بۇل اسكەري وقۋ جاتتىعۋلارىنا الەمنىڭ 30-دان استام ەلى قاتىسايىن دەپ جاتىر دەلىنگەن حابارلامادا.
اقش اسكەري-تەڭىز كۇشتەرىنىڭ التىنشى فلوتى جىل سايىنعى "Sea Breeze-2021" اسكەري وقۋ جاتتىعۋلارىنا ۋكراينانىڭ اسكەري-تەڭىز كۇشتەرىن دە تارتاتىنىن رەسمي تۇردە جاريالادى. Sea Breeze-2021 اسكەري وقۋ جاتتىعۋلارىنا 5 مىڭ اسكەري قىزمەتشى جانە 32 ەلدەن 32 سوعىس كەمەسى قاتىسادى.
وقۋ-جاتتىعۋ 28 ماۋسىم مەن 10 شىلدە ارالىعىندا قارا تەڭىزدە وتەدى.
بەكبولات قارجان،
"ادىرنا" ۇلتتىق پورتالى
