رەسەي فەدەراتسياسىنىڭ پرەزيدەنتى ۆ. پۋتين ىشكىلىككە باسى ءبۇتىن سالىنعانداردى قۇتقارۋدىڭ جولدارىن ايتتى. پرەزيدەنت ءوز پىكىرىن 21 قازان كۇنى ماگادان وبلىسىنىڭ گۋبەرناتورى سەرگەي نوسوۆپەن كەزدەسۋىندە ءبىلدىردى، دەپ حابارلايدى "ادىرنا" ۇلتتىق پورتالى "فونتانكا.ru" سايتىنا سىلتەمە جاساپ.
ءپۋتيننىڭ پايىمداۋىنشا، اساۋ بوتەلكەدەن، اراقتان، ادامدى قۇتقاراتىن جالعىز جول - تۇلعالىق دامۋ، ءوزىن-ءوزى جەتىلدىرۋ.
"سپيرتتىك ونىمدەردى ءىشۋدى شەكتەۋدەن پايدا جوق. قايتا ءوزىڭدى تۇلعالىق دامىتىپ، جەتىلدىرىپ، كوڭىلىڭ قۇلاعان ىسپەن شۇعىلدانىپ، ءوز ءحوببيىڭدى دامىتۋ - وتە ماڭىزدى، بۇل، ءسوزسىز، ىشكىلىكتەن قۇتىلۋعا كومەكتەسەدى. بۇل الەم تاجىريبەسىندە، سوڭعى جىلدارداعى ءبىزدىڭ رەسەيدىڭ تاجىريبەسىندە بار دۇنيە. ءبىزدىڭ سوڭعى جىلدارداعى ناتيجەلەرىمىز جامان ەمەس", - دەدى پۋتين.
سونىمەن قاتار، رەسەي باسشىسى ىشكىلىك پروبلەماسىنىڭ تامىرى تارىلىپ، ەلىندە وڭ شەشىمىن تاۋىپ كەلە جاتقانىن اتاپ ءوتتى.
"ادىرنا" ۇلتتىق پورتالى
