Reseı Federaııasynyń Prezıdenti V. Pýtın ishkilikke basy bútin salynǵandardy qutqarýdyń joldaryn aıtty. Prezıdent óz pikirin 21 qazan kúni Magadan oblysynyń gýbernatory Sergeı Nosovpen kezdesýinde bildirdi, dep habarlaıdy "Adyrna" ulttyq portaly "Fontanka.ru" saıtyna silteme jasap.
Pýtınniń paıymdaýynsha, asaý bótelkeden, araqtan, adamdy qutqaratyn jalǵyz jol - tulǵalyq damý, ózin-ózi jetildirý.
"Spırttik ónimderdi ishýdi shekteýden paıda joq. Qaıta ózińdi tulǵalyq damytyp, jetildirip, kóńiliń qulaǵan ispen shuǵyldanyp, óz hobbıińdi damytý - óte mańyzdy, bul, sózsiz, ishkilikten qutylýǵa kómektesedi. Bul álem tájirıbesinde, sońǵy jyldardaǵy bizdiń Reseıdiń tájirıbesinde bar dúnıe. Bizdiń sońǵy jyldardaǵy nátıjelerimiz jaman emes", - dedi Pýtın.
Sonymen qatar, Reseı basshysy ishkilik problemasynyń tamyry tarylyp, elinde oń sheshimin taýyp kele jatqanyn atap ótti.
"Adyrna" ulttyq portaly
