Qazaqstan BŪŪ-nyŋ elektrondyq ükımettı damytu reitingınde 16-orynǧa köterıldı

217
Adyrna.kz Telegram
https://www.adyrna.kz/storage/uploads/qNUMCwUwvKPX8vsvgExyNheuBEpCbKMsyPQIeRSO.jpg

Foto: stat.gov.kz

Qazaqstan Bırıkken Ūlttar Ūiymynyŋ Elektrondyq ükımettı damytu indeksınde (UN EGDI) 24-orynnan 16-orynǧa köterılıp, alǧaş ret eŋ joǧary reitingtık sanatqa endı. Būl turaly 20 qaraşada QR Jasandy intellekt jäne sifrlyq damu ministrlıgınıŋ baspasöz qyzmetı habarlady, dep jazady "Adyrna".

Vedomstvo mälımetınşe, soŋǧy ekı jylda Qazaqstan reitingte 8 satyǧa joǧarylaǧan. BŪŪ baiandamasynda būl körsetkış köşbasşy elder arasyndaǧy eŋ eleulı ılgerıleudıŋ bırı retınde baǧalanǧan. Sonymen qatar Qazaqstan öŋırde atalǧan deŋgeige jetken alǧaşqy memleket atandy.

Eŋ joǧary reitingtık sanatqa elektrondyq ükımetı barynşa damyǧan älemnıŋ 21 memleketı kıredı. Olardyŋ qatarynda Qazaqstanmen bırge Koreia, Daniia, Singapur, Ūlybritaniia, Estoniia jäne AQŞ bar. 2026 jyly būl sanatqa alǧaş ret Qazaqstan, İrlandiia jäne Polşa qosyldy.

Sondai-aq soŋǧy ekı jylda Qazaqstan 2024 jylǧy reitingte özınen joǧary tūrǧan Şvesiia, Germaniia, İrlandiia, Jaŋa Zelandiia, Avstriia jäne Japoniiadan ozyp ketken.

Eldıŋ elektrondyq ükımettı damytu indeksı 0,9009-dan 0,9363-ke deiın östı. Al älemdık ortaşa körsetkış 0,6675 deŋgeiınde qalyptasty.

Ministrlıktıŋ habarlauynşa, būl jetıstık Memleket basşysynyŋ Qazaqstandy tolyqqandy sifrlyq elge ainaldyru jönındegı tapsyrmalaryn jüzege asyrumen bailanysty. Atap aitqanda, memlekettık basqarudy transformasiialau jäne jasandy intellektını damytu eldıŋ sifrlyq äleuetın arttyrudaǧy basym baǧyttardyŋ bırı sanalady.

Pıkırler