Foto: Times.kz
Qazaqstan World Happiness Report 2025 reitingınde 33-orynǧa tūraqtap, Fransiiany (35-oryn) jäne Singapurdy (36-oryn) artta qaldyrdy. Postkeŋestık elder arasynda respublika öz pozisiiasyn nyq ūstap otyr. Bır jyl ışınde körsetkış +0.962-ge ösıp, būl – top-40 ışındegı eŋ joǧary serpınderdıŋ bırı.
Baqyt qalai esepteledı?
Reiting alty negızgı faktor negızınde qūrastyrylady:
- jan basyna şaqqandaǧy ışkı jalpy önım (JIÖ),
- ömır süru ūzaqtyǧy,
- äleumettık qoldau,
- taŋdau erkındıgı,
- jomarttyq deŋgeiı,
- sybailas jemqorlyq deŋgeiı.
Ärbır tūrǧyn öz ömırın 0-den 10-ǧa deiıngı şkala boiynşa baǧalaidy. Qorytyndy nätije – soŋǧy üş jyldyŋ (2022-2024) ortaşa körsetkışı.
Köş basynda kımder tūr?
Finliandiia segızınşı jyl qatarynan bırınşı oryndy ielenıp keledı. Odan keiın İslandiia men Daniia ornalasqan. Al alǧaşqy bestıkke kütpegen jerden Kosta-Rika (4-oryn) endı. Būl el Şvesiia, Norvegiia jäne Niderlandyny basyp ozdy.
Zertteuşılerdıŋ aituynşa, Latyn Amerikasy elderı ekonomikalyq körsetkışterıne qaramastan ömır sapasyn joǧary baǧalaidy. Būl qūbylys ǧylymda «latynamerikalyq baqyt paradoksy» dep atalady.
İzrail jalǧasyp jatqan qaqtyǧysqa qaramastan 8-orynda tūr. Al reitingtıŋ soŋǧy, 147-ornynda – Auǧanstan.
Qazaqstannyŋ erekşelıgı nede?
Qazaqstan senım men özara kömek körsetu körsetkışterı boiynşa joǧary nätijege qol jetkızdı. Biylǧy esepte osy faktorlarǧa erekşe män berılgen.
El:
- joǧalǧan ämiiandy körşıge qaitaru yqtimaldyǧy boiynşa – 30-orynda,
- beitanys adamǧa qaitaru boiynşa – 42-orynda.
Aita keterlıgı, Fransiia men Singapur JIÖ deŋgeiı joǧary bolǧanyna qaramastan, būl körsetkışter boiynşa Qazaqstannan tömen nätije körsettı.
Būǧan deiın Qazaqstan satyp alu qabıletınıŋ paritetı boiynşa älemdegı eŋ ırı 40 ekonomikanyŋ qataryna engenı habarlanǧan edı.
