2022 جىلعى 13 قازاندا ۇقك شەكارا قىزمەتى الماتى قالاسىنىڭ پروكۋراتۋراسىمەن بىرگە قازاقستان اۋماعى ارقىلى اۋعانستان ازاماتتارىن زاڭسىز وتكىزۋ ارناسىنىڭ جولىن كەستى، دەپ حابارلايدى «ادىرنا» ءتىلشىسى.
«ۇقك شەكارا قىزمەتى «بوران» ارنايى بولىمشەسىن قولدانا وتىرىپ وتكىزگەن جەدەل-ىزدەستىرۋ ءىس-شارالارى بارىسىندا ورتا ازيا ەلدەرىنىڭ ءبىرىنىڭ جالعان تولقۇجاتىن ۇسىنعان شەتەلدىك ازاماتتى 1,5 مىڭ اقش دوللارى سوماسىنداعى اقشانى الۋ كەزىندە ۇستادى. وتكىزىلگەن ءتىنتۋدىڭ ناتيجەسىندە بىرنەشە قازاقستاندىق ۇيىمداردىڭ مورلەرى، 20 اۋعاندىق تولقۇجات، تۋ تۋرالى كۋالىكتەر مەن قر ازاماتتىعى مەن ەلدە تۇرۋعا ىقتيار حات الۋعا، تىركەلۋگە جانە ەلدە بولۋ مەرزىمىن ۇزارتۋعا نەگىز بولاتىن باسقا دا قۇجاتتار الىندى»،—دەلىنگەن حابارلامادا.
اتالعان فاكت قىلمىستىق بەلگىلەرى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە قر قك 394-بابى 1-بولىگى (زاڭسىز كوشى-قوندى ۇيىمداستىرۋ) بويىنشا تىركەلدى.
ۇستالعان ادام الماتى قالاسى پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى.
