2022 jylǧy 13 qazanda ŪQK Şekara qyzmetı Almaty qalasynyŋ prokuraturasymen bırge Qazaqstan aumaǧy arqyly Auǧanstan azamattaryn zaŋsyz ötkızu arnasynyŋ jolyn kestı, dep habarlaidy «Adyrna» tılşısı.
«ŪQK Şekara qyzmetı «Boran» arnaiy bölımşesın qoldana otyryp ötkızgen jedel-ızdestıru ıs-şaralary barysynda Orta Aziia elderınıŋ bırınıŋ jalǧan tölqūjatyn ūsynǧan şeteldık azamatty 1,5 myŋ AQŞ dollary somasyndaǧy aqşany alu kezınde ūstady. Ötkızılgen tıntudıŋ nätijesınde bırneşe qazaqstandyq ūiymdardyŋ mörlerı, 20 auǧandyq tölqūjat, tuu turaly kuälıkter men QR azamattyǧy men elde tūruǧa yqtiiar hat aluǧa, tırkeluge jäne elde bolu merzımın ūzartuǧa negız bolatyn basqa da qūjattar alyndy»,—delıngen habarlamada.Atalǧan fakt qylmystyq belgılerı boiynşa sotqa deiıngı tergep-tekserulerdıŋ bıryŋǧai tızılımıne QR QK 394-baby 1-bölıgı (Zaŋsyz köşı-qondy ūiymdastyru) boiynşa tırkeldı. Ūstalǧan adam Almaty qalasy Polisiia departamentınıŋ uaqytşa ūstau izoliatoryna qamaldy.
