الماتى كوشەلەرىندە ەكى كوللەدجدىڭ ستۋدەنتتەرى توبەلەستى. پوليتسياسى ولاردى توقتاتتى. جەلىدە ۆيدەو تارادى، دەپ حابارلايدى “ادىرنا” ۇلتتىق پورتالى.
22 قازان كۇنى 102 ارناسىنا بايتۇرسىنوۆ پەن جامبىل كوشەلەرىنىڭ قيىلىسىندا ءبىر توپ جاس اراسىندا بولىپ جاتقان توبەلەس تۋرالى حابارلاما كەلىپ تۇسكەن.
دابىلعا ءبىرىنشى بولىپ پاترۋلدىك پوليتسيا ەكيپاجدارى جاۋاپ بەرىپ، توبەلەستى دەر كەزىندە توقتاتتى.
ەكى كوللەدجدىڭ ستۋدەنتتەرى جانجالداسىپ قالعانى انىقتالدى. زارداپ شەككەندەر جوق.
«وسى فاكتى بويىنشا قر قك 293-بابى 2-بولىگىمەن (بۇزاقىلىق) قىلمىستىق ءىس تىركەلدى. توبەلەسكە قاتىسۋشىنىڭ ارقايسىسىنىڭ ءىس-ارەكەتىنە قازاقستان زاڭناماسىنا سايكەس شارا قابىلدانا وتىرىپ، قۇقىقتىق باعا بەرىلەدى»، - دەدى المالى اۋداندىق پوليتسيا باسقارماسىنىڭ باستىعى ەسەن ىسقاقوۆ.
