قر عىلىم جانە جوعارى ءبىلىم ءمينيسترى ساياسات نۇربەك قازاقستاننىڭ ەڭبەك سىڭىرگەن قايراتكەرى كوپەن امىربەكتىڭ وتباسىنا كوڭىل ايتتى، دەپ حابارلايدى "ادىرنا" ۇلتتىق پورتالى.
«كۇلكىنىڭ كوپەنى»، «كۇلكى الەمىنىڭ كورولى» اتانعان ساتيرا ساڭلاعى كوپەن اعانىڭ ءدام-تۇزى تاۋسىلعانىنا، «كوپەن كەتىپ بارادى» دەگەن قارالى حابارعا سەنۋ قيىن. اينالاسىن كۇلكىمەن كومكەرىپ جۇرگەن كەمەڭگەردىڭ كەلمەسكە كەتكەنىن قابىلداۋ قانداي قيىن ەدى دەسەڭىزشى. قازاق جۋرناليستيكاسى مەن ساتيراسىن قارا جامىلدىرعان كوپەن امىربەك ەل اعاسى بولدى. قازاقتىڭ كوپەنى اتانعان ساتيرا ساردارى حالقىنا شىنايى كۇلكى دە، قاعىتپا قالجىڭ دا، ۋىتتى ءازىل دە سىيلادى. «ارا» جۋرنالى، «قازاق ادەبيەتى»، «ەگەمەن قازاقستان» جانە «ايقىن» گازەتتەرىندە كۇلكىنىڭ كەنى، قارا ءسوزدىڭ قازىناسى ەكەنىن تانىتتى. قازاق ساتيراسىنداعى قاراناردىڭ قازاسىن كۇيزەلىسپەن قابىلدادىم. اللا الدىنان جارىلقاپ، يمانى سالامات بولسىن. كۇللى قازاق جۇرتىنا، امىربەكوۆتەر اۋلەتىنە قايعىلارىنا ورتاقتاسىپ، كوڭىل ايتامىن. قازاق حالقى كورنەكتى كوپەنىن ەشقاشان ۇمىتپايدى!، - دەپ جازدى مينيستر.
"ادىرنا" ۇلتتىق پورتالى
