قىرعىزستان پرەزيدەنتىنىڭ جيەنى سەگىزىنشى رەت جۇرگىزۋشى كۋالىگىن الۋعا تىرىسپاقشى. بۇل تۋرالى سادىر جاپاروۆتىڭ ءوزى مالىمدەدى، دەپ جازادى "ادىرنا" ءۇلتتىو پورتالى.
ول تۋىسقانىنىڭ كەزەكتى ەمتيحانعا دايىندالىپ جاتقانىن اتاپ ءوتىپ، وسى سالاداعى سىبايلاس جەمقورلىققا جول بەرىلمەيتىنىن اتاپ ءوتتى.
بەلگىلى بولعانداي، جۇرگىزۋشى كۋالىگىن بەرۋ قۇرىلىمىن پرەزيدەنتتىڭ ءوزى جەكە باقىلايدى. جاپاروۆ جۇرگىزۋشى كۋالىگىن ساتۋ جاعدايلارى تۋرالى بىلەتىنىن مويىندادى. كەيبىر شەنەۋنىكتەردىڭ، اسىرەسە، "قۇقىق قورعاۋ ورگاندارىندا جۇمىس ىستەيتىندەر تۋىستارى مەن جاقىندارىنا جۇرگىزۋشى كۋالىگىن الىپ بەرەتىنىن" دە حاباردار ەكەنىن مالىمدەدى.
ونىڭ پىكىرىنشە، مۇنىڭ ءبارى جازاتايىم وقيعالار مەن جازىقسىز قۇرباندارعا اكەلەدى. ال «ءتۇرلى سىبايلاس جەمقورلىق سحەمالارىن جاساپ، مەملەكەتتىك قىزمەتتى تابىس كوزى دەپ سانايتىندارعا اياۋشىلىق بولمايدى»، - دەپ قورقىتتى قىرعىزستان پرەزيدەنتى.
"ادىرنا" ۇلتتىق پورتالى
