الاكول اۋدانىنىڭ ورتالىعى ءۇشارالدا جاس جۇبايلار تويدى سايلاۋ ۋچاسكەسىنە بارۋدان باستادى، دەپ حابارلايدى “ادىرنا” ۇلتتىق پورتالى.
نەسىپبەك اۋلەتىندە شاڭىراق كوتەرگەن جاستاردىڭ تويى ەلدەگى ساياسي ناۋقانمەن قاتار كەلگەن. ءۇشارال قالاسىنىڭ تۇرعىندارى نەسىپبەك اسحات پەن داۋرەنقىزى اسەم بۇگىن وتاۋ تىكتى.
بۇگىن جاس جۇبايلار ومىرىندەگى ماڭىزدى كۇن بولسا دا، ولار رەسپۋبليكالىق ساياسي ناۋقانعا كوڭىل بولگەندى ءجون كورگەن. تاريحي ساتتە قول ۇستاسقان جاستار №48 سايلاۋ ۋچاسكەسىنە كەلىپ، العاش رەت توي الدىندا داۋىس بەردى.
«20 قاراشادا وتەتىن سايلاۋ وتەتىنىن ءبارىمىز بىلدىك. وسىعان وراي، توي الدىندا سايلاۋ ۋچاسكەسىنە كەلىپ، ءوز داۋىسىمىزدى بەرەمىز دەپ شەشتىك. بۇل كۇنى ءار ازامات ەلىمىزدىڭ بولاشاعىن ەسكەرىپ، ءوز داۋىسىن بەرۋى قاجەت. ءبىز دە ازاماتتىق جاۋاپكەرشىلىگىمىزدى بىلدىرگەندى دۇرىس كوردىك. بۇل ءبىر جاعىنان، ومىرىمىزدەگى قىزىقتى ساتتەردىڭ ءبىرى رەتىندە ەستە قالاتىنى ءسوزسىز»، - دەدى نەسىپبەك اسحات.
