ءاليحان سمايىلوۆ ەكونوميكانى مونوپولياسىزداندىرۋ جونىندەگى كوميسسيانىڭ كەزەكتى وتىرىسىن وتكىزدى. بۇل تۋرالى قر ۇكىمەتىنىڭ ءباسپاسوز قىزمەتى مالىمدەدى، دەپ حابارلايدى ادىرنا” ۇلتتىق پورتالى.
قاتىسۋشىلار بۇرىن كۆازيمەملەكەتتىك سەكتوردان باسەكەلەستىك ورتاعا جەڭىلدەتىلگەن باعامەن وتكەن قارجى ۇيىمىن رەسپۋبليكالىق مەنشىككە قايتارۋ شارتتارىن تالقىلادى. قازىر بۇل فاكتى بويىنشا ءتيىستى تەرگەۋ امالدارى جۇرگىزىلۋدە.
سونىمەن قاتار، اۋىل شارۋاشىلىعى جانە تسيفرلىق مەديتسينالىق جۇيەلەردىڭ قاجەتتىلىكتەرى ءۇشىن ونەركاسىپ ونىمدەرىن وندىرۋمەن اينالىساتىن بىرقاتار كومپانيالارعا قاتىستى مونوپولياعا قارسى ارەكەت ەتۋ شارالارى قاراستىرىلدى.
سونداي-اق، پرەمەر-مينيستر باس پروكۋراتۋراعا ەلىمىزدەگى بىرقاتار ەنەرگەتيكالىق نىسانداردى جەكەشەلەندىرۋدىڭ نەگىزدىلىگىن تەكسەرۋدى تاپسىردى.
