استانادا وتكەن ءىس-شارا قازاق تىلىندەگى ءىت-كونتەنتتى دامىتۋعا باعىتتالدى.
«Startuphana IT سالاسىندا قازاق كونتەنتىن دامىتۋ، قازاق ءتىلدى IT-مادەنيەتتى قالىپتاستىرۋ جولىندا ەڭبەكتەنىپ جۇرگەن اقپاراتتىق تەحنولوگيالار cالاسىنىڭ ماماندارى مەن كاسىپكەرلەر قاۋىمداستىعىن قولداۋ ماقساتىندا وتكىزىلدى. قازاقشا IT-ونىمدەردىڭ قوعامنان ءوز ورنىن الۋى، ازاماتتاردىڭ تالعامىنان شىعۋى – ستارتاپتاردىڭ باسەكەگە قابىلەتتى ەكەنىن بىلدىرەدى. وسى رەتتە، ءبىزدىڭ تالانتتى جاستارىمىزدىڭ ءىت-سالاسىنا ۇمتىلىپ جاتقاندىعى قاتتى قۋانتادى»، - دەدى فورۋمنىڭ اشىلۋ سالتاناتىندا تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين.
فورۋمدا تابىستى ستارتاپشىلار مەن IT-ماماندار، بلوگەرلەر مەن موتيۆاتورلار بيزنەس جانە DIGITAL سالاسىنداعى تاجىريبەسىمەن ءبولىسىپ، ستارتاپتار، ماركەتينگ، NFT جانە ت.ب. تاقىرىپتاردى تالقىلادى.
ماسەلەن، 2016 جىلى شەتەلگە كەتىپ، كرەمني القابىن باعىندىرعان ءىت-مامان، قازىردە اقش-تا ايگىلى LinkedIn جەلىسىندە اعا ينجەنەر قىزمەتىندەگى ماقسات قادىروۆ ىت-سالادا جەتىستىككە جەتۋ تاجىريبەسى تۋرالى پرەزەنتاتسياسىن قازاقتىڭ ماقال-ماتەلدەرى نەگىزىندە ۇسىندى.
«قازىر ءبىزدىڭ ەلدە ايتي-ماماندار ءۇشىن ءتۇرلى قۇرالدار بار، جاقسى جاعداي جاسالعان. مىسالى، استانا حاب - سونداي قۇرالداردىڭ ءبىرى. ەگەر بۇرىن وسىنداي مۇمكىندىكتەر بولعاندا، مەن باسقا ەلگە كەتپەس تە ەدىم. «ەسىڭ باردا، ەلىڭدى تاپ» دەگەندەي، مەن LinkedIn-نەن كەتەمىن دەپ شەشتىم، قايتادان قازاقستانعا ورالامىن»، - دەپ، الداعى جۇمىس جوسپارىمەن بولىسكەن ماقسات قادىروۆتىڭ ءسوزىن جاستار قوشەمەتپەن قابىلدادى.
سونىمەن قاتار سپيكەرلەردىڭ قاتارىندا «Qamalladin Media» يەسى جانە نەگىزىن قالاۋشى ابىلايحان قاماللادين; Yessen & Company حالىقارالىق كونسالتينگتىك فيرماسىنىڭ باسقارۋشى سەرىكتەسى ازات ەسەنوۆ; TTس بۇلتتىق جانە سپۋتنيكتىك تەحنولوگيالاردىڭ ءونىم مەنەدجەرى جىگەر قايراتۇلى; كونتەنت-مەيكەر، كاسىبي فوتوگراف، بلوگەر فارحاد مولداش; تانىمال ينستاگرام جانە youtube-بلوگەر ءبىرجان ءاشىم جانە ت.ب. بولدى.
IT-اعارتۋشى، قازاق تىلىندەگى «IT-تىرلىك» جۋرنالىنىڭ اۆتورى جانە قۇراستىرۋشىسى تيمۋر بەكتۇر اقش-تىڭ بوستون قالاسىنان ونلاين قوسىلىپ، يننوۆاتورعا اينالۋ جولدارى تۋرالى اڭگىمەلەدى. ال Astana Hub قىزمەتكەرلەرى داۋلەت بەيمۋرزينوۆ مەن اشىمبەك ابىلعازينوۆ ءىت-ستارتاپ جاساۋ بارىسىندا قاجەتكە جارايتىن وقىتۋ باعدارلامالارى تۋرالى باياندادى.
«Startuphana – بۇل قازاق تىلىندە ءوتىپ جاتقان ەلىمىزدەگى العاشقى ءىرى ءىت-فەستيۆال، سوندىقتان بۇل ءىس-شاراعا قاتىسۋ مەن ءۇشىن ۇلكەن مارتەبە. الداعى ۋاقىتتا ءبىزدىڭ ورتاق بولاشاعىمىزعا وڭ اسەرىن تيگىزەر وسىنداي ءىس-شارالار كوبىرەك ۇيىمداستىرىلادى دەگەن ۇمىتتەمىن»، - دەدى فورۋم سپيكەرلەرىنىڭ ءبىرى، قر ۇب بلوكچەين ورتالىعىنىڭ باسشىسى ايدانا قاسقىربەك.
«Startuphana تۋرالى الەۋمەتتىك جەلىدەن ءبىلدىم جانە وسىندا كەلگەنىمە قۋانىشتىمىن. سەبەبى بۇگىنگى سپيكەرلەردى تىڭداپ، ءىت-سالاسىندا قانداي مۇمكىندىكتەر بار ەكەنىن ءبىلدىم جانە ءوزىمنىڭ بولاشاعىما قاجەتتى باعدار الدىم»، - دەيدى فورۋم قاتىسۋشىسى ءالي قونىسوۆ.
ەسكە سالساق، STARTAPHANA Digital Fest-ءىن Astana Hub حالىقارالىق ءىت-ستارتاپتار تەحنوپاركى قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ قولداۋىمەن ۇيىمداستىردى.
"ادىرنا" ۇلتتىق پورتالى
