الماتىدا ءوتىپ جاتقان اسا ءىرى كولەمدەگى «Digital Almaty» حالىقارالىق فورۋمى بۇگىن شۋعا ۇلاسى. مينيستر جانە وزگە دە ءارتۇرلى دەڭگەيدەگى شەنەۋنىكتەر قاتىسقان حالىقارالىق فورۋمنىڭ اياسىندا قازاق ءتىلىن تابالدىرىققا دەيىن ىسىرىلىپ، قازاق تىلدىلەردىڭ قۇقىعى تاپتالدى. مۇنداي سويقانعا شىداماعان بەلسەندى نۇرقوجا ەرسايىن ورنىنان كوتەرىلىپ، قاتىسۋشىلار مەن ۇيىمداستىرۋشىلاردى سوزبەن سويىپ سالدى، دەپ حابارلايدى "ادىرنا" ۇلتتىق پورتالى.
ونەركاسىپ سالاسىنىڭ اۆتوماتتاندىرۋدان تسيفرلاندىرۋعا كوشۋىن، تسيفرلىق ماينينگ پەرسپيكتيۆالارىن، روبوتتاندىرۋدى قولداۋ سالالارىن تالقىعا تۇسكەن فورۋمدا قازاق تىلدىلەردى ەلەپ-ەسكەرگەن ەشكىم بولمادى. مۇنداي ادام توزگىسىز قىلىققا شىداماعان بەلسەندى نۇرقوجا ەرسايىن زالدىڭ قاق تورىنە شىعىپ، وتكىر پىكىر ءبىلدىردى.
- الدىمىزدا سويلەپ تۇرعان جەتى ادامنىڭ بەسەۋى - قازاق. زالعا جينالعانداردىڭ 90 پايىزى قازاق. اكىمنىڭ ورىنباسارى وتىر. ول دا ورىسشا سويلەپ وتىر. نەلىكتەن قازاقشا سويلەمەيسىزدەر؟ بۇل ديدجيتال الماتى ما، الدە ديدجيتال ماسكەۋ مە؟ - دەپ ماسەلەنى توتەسىنەن قويدى ازامات.
> MR DN:
View this post on Instagram
بەلسەندىنىڭ ۇستانىمى مەن "قازاق ءتىلىن قادىرلەمەگەن" فورۋم ايتاقشىلارىنا قاتىستى ازاماتتىق جۋرناليستەر، ۇلتتىق ساناسى مىعىم جاستار پىكىر ءبىلدىردى.
جۋرناليست جالعاس ەرتاي:
ءبىزدىڭ بيلىك مەملەكەتتىك ءتىلدى ديسكريميناتسيالاۋمەن اينالىسادى.
الماتىداعى فورۋمعا پرەمەر-مينيستر، مينيستر، ءارتۇرلى دەڭگەيدەگى شەنەۋنىكتەر قاتىستى. ولاردىڭ ءبارى ءسوزىن، پرەزەنتاتسياسىن تولىقتاي ورىسشا جاساعانىنا سەنىمدىمىن. ول فورۋمعا بارماسام دا، بيلىك وكىلدەرىنىڭ بىردە-ءبىرى قازاقشا پرەزەنتاتسيا جاساماعانىن سەنىممەن ايتا الامىن.
مەملەكەتتىك تىلگە كەلگەن كەزدە “كوپشىلىك ءتۇسىنسىن”، “قازاقشا بىلمەيتىندەر دە بار” دەگەن قاتىناس بولماۋى كەرەك. تۇسىنبەيتىندەر بولسا، اۋدارما جاساسىن. بىراق مەملەكەت قىزمەتشىسى مەملەكەتتىك ءتىلدى ديسكريميناتسيالاۋعا جول بەرمەۋى كەرەك ەدى.
“مەملەكەتتىك ءتىل تۋرالى” زاڭ قابىلدانىپ، مەملەكەتتىك ءتىلدىڭ قولدانىس اياسىن ناقتى بەكىتىپ، تەك مەملەكەتتىك تىلدە سويلەيتىن مەملەكەتتىك قىزمەتشىلەر ءتىزىمىن جاسامايىنشا، وسىلاي جۇرگەنىمىز - جۇرگەن.
بەلسەندى قايرات جارىلقاسىنۇلى:
دۇرىس! سويىپ سالۋ كەرەك وسىلاي. انا اكىم ورىنباسارىنىڭ بەتىنە باسىپ ايتقانىڭىز وتە دۇرىس بولدى!مەملەكەتتىك قىزمەتكەرلەر مەملەكەتتىك ءتىلدى اياق استى ەتىپ، كەرەك ەتپەي ءجۇر. قىزمەتتەن قۋ كەرەك شەتتەرىنەن.
بەلسەندى دانيار جانىس:
ديدجيتال الماتى ما، ديدجيتال ماسكەۋ مە؟
تاريح اعايىمىزدىڭ سۇراعى دۇرىس، بىراق كەش سەكىلدى. ءبىزدىڭ ءبىر كەمشىلىك - بىرنەشە كۇن قالعاندا "شارا 60 پايىز وتە مە؟ الدە قاي تىلدە وتەدى. ءبىزدىڭ تالاپ قازاق تىلىندە ءوتۋ كەرەك" دەگەن سەكىلدى حات جازىلۋى ءتيىس.
سوسىن ۇيىمداستىرۋشىلار دا ويلانادى عوي. "ەەەە، ءبىز بارلىق ورىستاردى جيناپ الدىق. قوي، جارتىسىن قازاقشا سويلەتەيىك" دەپ.
ال شارانىڭ جوسپارى بەكىتىلىپ، ءبارى بولىپ جاتقاندا ولار ارينە "كەلەسى جولمەن" شىعارىپ سالا سالادى.
قۇقىعىمىزدىڭ بۇزىلماۋى ءۇشىن مىندەتىمىزدى دە دۇرىس ءبىلۋىمىز كەرەك.
"ادىرنا" ۇلتتىق پورتالى
