11 اقپان كۇنى اقتوبە وبلىسىنىڭ اكىمى وڭداسىن ورازالين «حالىقارالىق قازاق ءتىلى» قوعامى» قوعامدىق بىرلەستىگى وبلىستىق جانە قالالىق فيليالدارىنىڭ توراعالارىن قابىلدادى، دەپ حابارلايدى " ادىرنا" ۇلتتىق پورتالى.
كەزدەسۋگە وبلىس اكىمىنىڭ ورىنباسارى بۇلبۇل ەلەۋسىنوۆا، تىلدەردى دامىتۋ باسقارماسىنىڭ باسشىسى مەدەت ىسقاقوۆ جانە قالا اكىمىنىڭ ورىنباسارى ايبەك كوپەنوۆ قاتىستى.
بۇگىندە اقتوبە وبلىسى بويىنشا «حالىقارالىق «قازاق ءتىلى» قوعامىنىڭ 14 فيليالى جۇمىس جاسايدى. قوعامنىڭ 641 باستاۋىش ۇيىمى، 130 مىڭنان استام مۇشەسى بار.
جيىن بارىسىندا وبلىس اكىمى فيليال باسشىلارىنىڭ وڭىرىمىزدەگى مەملەكەتتىك ءتىلدىڭ قولدانىستاعى اياسىن كەڭەيتۋ، حالىق اراسىندا ناسيحاتتاۋ، مارتەبەسىن كوتەرۋ باعىتىندا اتقارىلىپ جاتقان جۇمىستارى جايلى ەسەبىن تىڭدادى.
وڭداسىن ورازالين مەملەكەتتىك ءتىلدىڭ قازىرگى تاڭداعى جاي-كۇيىنە توقتالا كەلىپ، فيليال باسشىلارىنا اۋداندارداعى «قازاق ءتىلى» قوعامىنىڭ جۇمىسىنا تالداۋ جۇرگىزىپ، قوعامدا مەملەكەتتىك ءتىلدىڭ قولدانىلۋى بويىنشا جۇرگىزىلىپ جاتقان جۇمىستاردىڭ ساپاسىن ارتتىرۋدىڭ قاجەتتىگىن اتاپ ءوتتى.
سونىڭ ىشىندە، قالامىزداعى شاعىن جانە ورتا بيزنەس وكىلدەرى اراسىندا مەملەكەتتىك ءتىلدىڭ قولدانۋ اياسىن كەڭەيتۋ بويىنشا ءتيىستى ءتۇسىندىرۋ جۇمىستارىن جۇرگىزۋ، ناقتى سالالار بويىنشا جەرگىلىكتى اتقارۋشى ورگاندارعا ۇسىنىستار ازىرلەۋ، «سنپس-اقتوبەمۇنايگاز» اق، «قازحروم» تۇك» اق، «قازاقستان تەمىرجولى» ۇك» اق سياقتى ءىرى كاسىپورىندار جانىنان باستاۋىش ۇيىمدار اشۋ تۋرالى ناقتى تاپسىرمالار بەردى.
"ادىرنا" ۇلتتىق پورتالى
