11 aqpan kúni Aqtóbe oblysynyń ákimi Ońdasyn Orazalın «Halyqaralyq Qazaq tili» qoǵamy» qoǵamdyq birlestigi oblystyq jáne qalalyq fılıaldarynyń tóraǵalaryn qabyldady, dep habarlaıdy " Adyrna" ulttyq portaly.
Kezdesýge oblys ákiminiń orynbasary Bulbul Eleýsinova, tilderdi damytý basqarmasynyń basshysy Medet Ysqaqov jáne qala ákiminiń orynbasary Aıbek Kópenov qatysty.
Búginde Aqtóbe oblysy boıynsha «Halyqaralyq «Qazaq tili» qoǵamynyń 14 fılıaly jumys jasaıdy. Qoǵamnyń 641 bastaýysh uıymy, 130 myńnan astam múshesi bar.
Jıyn barysynda oblys ákimi fılıal basshylarynyń óńirimizdegi memlekettik tildiń qoldanystaǵy aıasyn keńeıtý, halyq arasynda nasıhattaý, mártebesin kóterý baǵytynda atqarylyp jatqan jumystary jaıly esebin tyńdady.
Ońdasyn Orazalın memlekettik tildiń qazirgi tańdaǵy jaı-kúıine toqtala kelip, fılıal basshylaryna aýdandardaǵy «Qazaq tili» qoǵamynyń jumysyna taldaý júrgizip, qoǵamda memlekettik tildiń qoldanylýy boıynsha júrgizilip jatqan jumystardyń sapasyn arttyrýdyń qajettigin atap ótti.
Sonyń ishinde, qalamyzdaǵy shaǵyn jáne orta bıznes ókilderi arasynda memlekettik tildiń qoldaný aıasyn keńeıtý boıynsha tıisti túsindirý jumystaryn júrgizý, naqty salalar boıynsha jergilikti atqarýshy organdarǵa usynystar ázirleý, «SNPS-Aqtóbemunaıgaz» AQ, «Qazhrom» TUK» AQ, «Qazaqstan temirjoly» UK» AQ sııaqty iri kásiporyndar janynan bastaýysh uıymdar ashý týraly naqty tapsyrmalar berdi.
"Adyrna" ulttyq portaly
