Memleket basşysynyŋ Jarlyǧymen Timur Süleimenov QR Ūlttyq Bankınıŋ Töraǧasy lauazymyna taǧaiyndaldy, dep habarlaidy “Adyrna” tılşısı.
Timur Mūratūlynyŋ kandidaturasyn Memleket Basşysynyŋ ūsynysy negızınde Prezident Äkımşılıgınıŋ basşysy Oljas Bektenov senatorlarǧa ūsynǧan.
Prezident Äkımşılıgınıŋ basşysy:
"Timur Mūratūly tört jyldan astam Prezident Äkımşılıgınde jūmys ıstedı, äleumettık-ekonomikalyq damu blogyn basqardy, osy saladaǧy reformalardy ıske asyruǧa belsendı qatysty. Būǧan deiın Ūlttyq ekonomika ministrlıgın basqarǧan. Onyŋ jeke qasietterı men bılıktılıgı Ūlttyq banktıŋ qyzmetın jetıldıre alady. Süleimenov Timur Mūratūlynyŋ Ūlttyq bank basşysy lauazymyna kandidaturasyn qoldaudy sūraimyz", - dedı.
Ūlttyq banktıŋ basşylyǧyna ümıtker Süleimenovtı Qarjy jäne biudjet jönındegı komitetınıŋ töraǧasy “bılıktı maman” dep atap öttı. Sūltanbek Maqejanovtyŋ sözınşe, Timur Süleimenovtıŋ kandidaturasy Senattyŋ Qarjy jäne biudjet jönındegı komitetınıŋ keŋeitılgen otyrysynda talqylanǧan.
Jaŋa basşynyŋ eŋbek jolyn Ernst & Young Kazakhstan kompaniiasynda bastaǧan.
2016 jylǧy 28 jeltoqsanda Qazaqstan Prezidentınıŋ Jarlyǧymen ol Ūlttyq ekonomika ministrı bolyp taǧaiyndaldy.
Sol jyly Ūlttyq ekonomika ministri Timur Süleimenov özine jüktelgen mindetterdi ülken jauapkerşilikpen jäne adal oryndauǧa äzir ekenın aitqan.
Sondai-aq Mäskeude qyzmet etken jyldary ūmytyŋqyrap qalǧan qazaq tilin jarty jylda qaita meŋgerip almaq niette ekenın jetkızgen edı. Qazaq tılınde qoiylǧan sūraqtarǧa tek orysşa jauap bergen Süleimenov:
«Mäskeude bes jyl qyzmet ettim, tuǧan tilimdi ūmytyp qalyppyn. Biraq alty aidyŋ işinde meŋgerip alamyn», - dep uäde bergenın eske salamyz.
Ūqsas jaŋalyqtar
