“ماسكەۋدەگى بەس جىلدا قازاقشاسىن ۇمىتقان” سۇلەيمەنوۆ ۇلتتىق بانك توراعاسى بولدى

مەملەكەت باسشىسىنىڭ جارلىعىمەن تيمۋر  سۇلەيمەنوۆ قر ۇلتتىق بانكىنىڭ توراعاسى لاۋازىمىنا تاعايىندالدى، دەپ حابارلايدى “ادىرنا” ءتىلشىسى. تيمۋر مۇراتۇلىنىڭ كانديداتۋراسىن مەملەكەت باسشىسىنىڭ ۇسىنىسى نەگىزىندە پرەزيدەنت اكىمشىلىگىنىڭ باسشىسى ولجاس بەكتەنوۆ سەناتورلارعا ۇسىنعان. پرەزيدەنت اكىمشىلىگىنىڭ باسشىسى: "تيمۋر مۇراتۇلى ءتورت جىلدان استام پرەزيدەنت اكىمشىلىگىندە جۇمىس ىستەدى، الەۋمەتتىك-ەكونوميكالىق دامۋ بلوگىن باسقاردى، وسى سالاداعى رەفورمالاردى ىسكە اسىرۋعا بەلسەندى قاتىستى. بۇعان دەيىن ۇلتتىق ەكونوميكا مينيسترلىگىن باسقارعان. ونىڭ جەكە قاسيەتتەرى مەن بىلىكتىلىگى ۇلتتىق بانكتىڭ قىزمەتىن جەتىلدىرە الادى. سۇلەيمەنوۆ تيمۋر مۇراتۇلىنىڭ ۇلتتىق بانك باسشىسى لاۋازىمىنا كانديداتۋراسىن قولداۋدى سۇرايمىز", - دەدى. ۇلتتىق بانكتىڭ باسشىلىعىنا ۇمىتكەر  سۇلەيمەنوۆتى قارجى جانە بيۋدجەت جونىندەگى كوميتەتىنىڭ توراعاسى “بىلىكتى مامان” دەپ اتاپ ءوتتى. سۇلتانبەك ماقەجانوۆتىڭ سوزىنشە، تيمۋر سۇلەيمەنوۆتىڭ كانديداتۋراسى سەناتتىڭ قارجى جانە بيۋدجەت جونىندەگى كوميتەتىنىڭ كەڭەيتىلگەن وتىرىسىندا تالقىلانعان. جاڭا باسشىنىڭ ەڭبەك جولىن Ernst & Young Kazakhstan كومپانياسىندا باستاعان. 2016 جىلعى 28 جەلتوقساندا قازاقستان پرەزيدەنتىنىڭ جارلىعىمەن ول ۇلتتىق ەكونوميكا ءمينيسترى بولىپ تاعايىندالدى. سول جىلى ۇلتتىق ەكونوميكا مينيسترi تيمۋر سۇلەيمەنوۆ وزiنە جۇكتەلگەن مiندەتتەردi ۇلكەن جاۋاپكەرشiلiكپەن جانە ادال ورىنداۋعا ءازiر ەكەنىن ايتقان. سونداي-اق ماسكەۋدە قىزمەت ەتكەن جىلدارى ۇمىتىڭقىراپ قالعان قازاق تiلiن جارتى جىلدا قايتا مەڭگەرiپ الماق نيەتتە ەكەنىن جەتكىزگەن ەدى. قازاق تىلىندە قويىلعان سۇراقتارعا تەك ورىسشا جاۋاپ بەرگەن سۇلەيمەنوۆ: «ماسكەۋدە بەس جىل قىزمەت ەتتiم، تۋعان تiلiمدi ۇمىتىپ قالىپپىن. بiراق التى ايدىڭ iشiندە مەڭگەرiپ الامىن»، - دەپ ۋادە بەرگەنىن ەسكە سالامىز.