ەدىل وسپان قر وقۋ-اعارتۋ ۆيتسە-ءمينيسترى بولىپ تاعايىندالدى. بۇل تۋرالى قر ۇكىمەتىنىڭ ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
"قازاقستان رەسپۋبليكاسى ۇكىمەتىنىڭ قاۋلىسىمەن ەدىل سابىرۇلى وسپان قر وقۋ-اعارتۋ ۆيتسە-ءمينيسترى بولىپ تاعايىندالدى",- دەلىنگەن حابارلامادا.
ەدىل وسپان 1983 جىلى تۇركىستان وبلىسىندا دۇنيەگە كەلگەن.
ا. ياسساۋي اتىنداعى حالىقارالىق قازاق-تۇرىك ۋنيۆەرسيتەتىن، قازاق گۋمانيتارلىق-زاڭ ۋنيۆەرسيتەتىن، ۇلىبريتانياداعى ەكسەتەر ۋنيۆرەسيتەتىن (University of Exeter) بىتىرگەن.
زاڭ عىلىمدارىنىڭ كانديداتى عىلىمي دارەجەسى بار.
ەڭبەك جولىن 2004 جىلى الماتى قالاسىنداعى «قۇقىق جانە ەكونوميكا» كوللەدجىنىڭ وقىتۋشىسى بولىپ باستاعان.
ءار جىلدارى قازاق گۋمانيتارلىق-زاڭ ۋنيۆەرسيتەتىنىڭ وقىتۋشىسى، ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ اعا وقىتۋشىسى، قر پرەزيدەنتى جانىنداعى مەملەكەتتىك باسقارۋ اكادەمياسىنىڭ جەتەكشى عىلىمي قىزمەتكەرى بولىپ جۇمىس ىستەدى.
2007-2010 جىلدارى – قر پارلامەنتى ءماجىلىسى دەپۋتاتىنىڭ كومەكشىسى.
2010-2019 جىلدارى – قر پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعىنىڭ ساراپشىسى، ينسپەكتورى.
2019-2020 جىلدارى قوعامدىق ساياسات ينستيتۋتى ديرەكتورىنىڭ ورىنباسارى.
2020 جىلى – قر اقپارات جانە قوعامدىق دامۋ ءمينيسترىنىڭ كەڭەسشىسى.
2020 جىلعى قاراشادان 2021 جىلعى اقپانعا دەيىن – قر پرەمەر-ءمينيسترى كەڭسەسىنىڭ الەۋمەتتىك-مادەني دامۋ ءبولىمى مەڭگەرۋشىسىنىڭ ورىنباسارى.
2021 جىلعى اقپاننان 2023 جىلعى اقپانعا دەيىن – قر پرەمەر-ءمينيسترى كەڭسەسىنىڭ الەۋمەتتىك-مادەني دامۋ ءبولىمىنىڭ مەڭگەرۋشىسى.
2023 جىلعى اقپان ايىنان باستاپ — ۇكىمەت اپپاراتىنىڭ الەۋمەتتىك دامۋ ءبولىمىنىڭ مەڭگەرۋشىسى بولىپ قىزمەت اتقاردى.
"ادىرنا" ۇلتتىق پورتالى
