رەسەي اسپانىن تورىپ، اۋەدە قالىقتاعان بەلسىگىز نىساندار كوزگە ءتۇستى. كوك اسپاندى شارلاعان بەلگىسىز قاناتتى كەمەلەردەن سانكت-پەتەربور اسپانىن قورعاۋ ماقساتىندا "كىلەم" اتتى دابىل ءتۇرى ەنگىزىلدى. قازىر قالانىڭ پۋلكوۆو اۋەجايىندا ۇشىپ-قونىپ جاتقان ۇشاق بايقالمايدى، دەپ حابارلايدى "ادىرنا" ۇلتتىق پورتالى.
"78.ru"-دىڭ حابارلاۋىنشا، "كىلەم" - بارلىق اۋە كەمەلەرىنىڭ جەرگە دەرەۋ قونۋىن نەمەسە بەلگىلەنگەن اۋداننان شىعارىلۋىن تالاپ ەتەتىن دابىل ءتۇرى. مۇنداي دابىل ءتۇرى تەك ايرىقشا ءارى توتەنشە جاعدايلاردا، شەكارانى زاڭسىز كەسىپ ءوتۋ نەمەسە بەيمالىم ۇشاتىن نىساندار بايقالعان كەزدە بەرىلەدى.
Flight Radar مالىمەتىنشە، اۋەنى تورىعان ۇشاقتار سانكت-پەتەربورعا جاقىن كەلە قويعان جوق. Baza ارناسى بولسا، اسپاندا بەلگىسىز نىساندار ەمەس، بوگدە اسكەري ۇشاقتاردىڭ قالىقتاپ جۇرگەنىن مالىمدەدى.
دەگەنمەن قازىر قالا ۇستىندەگى اۋە كەڭىستىگى بوس. جولاۋشى تاسىمالداۋشى ۇشاقتاردىڭ بارلىعى كۇتۋ ايماعىنا اۋىستىرىلعان. ماسكەۋدەن سانكت-پەتەربورعا بەت العان ۇشاقتار كەرى بۇرىلعان. قالا كوگىنە بەلگىسىز اۋە كەمەلەرىن جويعىشتار ۇشىرىلدى.
"ادىرنا" ۇلتتىق پورتالى
