استانا، الماتى جانە شىمكەنت قالالارىنىڭ جاستارى ايىنا 12 مىڭ تەڭگە تولەپ، پاتەر جالداپ تۇرا الادى. بۇل تۋرالى قوعامدىق دامۋ ءمينيسترى دارحان كالەتاەۆ ايتتى، - دەپ حابارلايدى Tengrinews.kz تىلشىسى.
"ول جالدامالى باسپانا بولادى. كوپ دەگەندە ءۇش جىلعا سوزۋعا بولاتىن جالدامالى پاتەر تۋرالى كەلىسىمشارتقا قول قويۋدى ۇسىنامىز. جالدامالى پاتەردىڭ اي سايىنعى تولەمى 10-12 مىڭ تەڭگە بولادى", - دەدى مينيستر. كالەتاەۆتىڭ ايتۋىنشا، پاتەرلەر سالىنىپ جاتقاندا اكىمدىك وكىلدەرى پاتەردى جاستارعا جالعا بەرۋ ءۇشىن ونى "نارىقتان" ساتىپ الادى. "وسى ساناتتاعى پاتەرلەرگە ۇمىتكەرلەردىڭ پارامەترلەرىن دايىندادىق. ءبىرىنشى تالاپ - 29 جاسقا دەيىنگى جاستار. ەكىنشىسى - جالعا الاتىن ادام مىندەتتى تۇردە جۇمىس ىستەۋى كەرەك. بەرىلەتىن پاتەرلەردىڭ اۋماعى 40-50 شارشى مەتر بولادى دەپ بولجانىپ وتىر", - دەدى دارحان كالەتاەۆ. ەسكە سالايىق، مۇنىڭ الدىندا پرەزيدەنت نۇرسۇلتان نازارباەۆ جاستار جىلىن جاريالاي وتىرىپ، جۇمىس ىستەيتىن جاستاردىڭ ءوز باسپاناسى بولۋى ءتيىس ەكەنىن ايتقان ەدى.
