Astana, Almaty jáne Shymkent qalalarynyń jastary aıyna 12 myń teńge tólep, páter jaldap tura alady. Bul týraly qoǵamdyq damý mınıstri Darhan Káletaev aıtty, - dep habarlaıdy Tengrinews.kz tilshisi.
"Ol jaldamaly baspana bolady. Kóp degende úsh jylǵa sozýǵa bolatyn jaldamaly páter týraly kelisimshartqa qol qoıýdy usynamyz. Jaldamaly páterdiń aı saıynǵy tólemi 10-12 myń teńge bolady", - dedi mınıstr. Káletaevtyń aıtýynsha, páterler salynyp jatqanda ákimdik ókilderi páterdi jastarǵa jalǵa berý úshin ony "naryqtan" satyp alady. "Osy sanattaǵy páterlerge úmitkerlerdiń parametrlerin daıyndadyq. Birinshi talap - 29 jasqa deıingi jastar. Ekinshisi - jalǵa alatyn adam mindetti túrde jumys isteýi kerek. Beriletin páterlerdiń aýmaǵy 40-50 sharshy metr bolady dep boljanyp otyr", - dedi Darhan Káletaev. Eske salaıyq, munyń aldynda Prezıdent Nursultan Nazarbaev Jastar jylyn jarııalaı otyryp, jumys isteıtin jastardyń óz baspanasy bolýy tıis ekenin aıtqan edi.
