ازاماتتىق بەلسەندىلەر دەپ اتالاتىندار ەۋروپالىق وداق قازاقستانداعى باق پەن ۇەۇ الەۋەتىن كۇشەيتۋ جوباسىن قولدايتىنى تۋرالى مالىمدەمە تاراتادى. قۇقىقتىق مەديا ورتالىعى ەۋروپالىق وداقتىڭ قولداۋىمەن «قازاقستاننىڭ ەركىن اقپاراتتىق كەڭىستىگى: باق پەن ۇەۇ الەۋەتىن كۇشەيتۋ ارقىلى ادام قۇقىقتارىن ىلگەرىلەتۋ» جوباسىن ىسكە قوستى، دەپ حابارلايدى “ادىرنا” ۇلتتىق پورتالى.
«جوبانىڭ باستى ماقساتى – تاۋەلسىز باق-تىڭ، جۋرناليستەردىڭ، بەلسەندىلەر مەن ستۋدەنتتەردىڭ الەۋەتىن ارتتىرۋ جانە نىعايتۋ، سونداي-اق قازاقستاندا ءسوز بوستاندىعىن جۇزەگە اسىرۋ ءۇشىن قۇقىقتىق ورتانى جاقسارتۋ»، - دەلىنگەن حابارلامادا.
جوبا اياسىندا 500-دەن استام جۋرناليستەردى، بلوگەرلەردى جانە ازاماتتىق بەلسەندىلەردى قۇقىقتىق جانە تسيفرلىق قاۋىپسىزدىككە وقىتۋ، كەمىندە 20 تاۋەلسىز ونلاين باق اشۋدى قولداۋ، «باق تۋرالى» زاڭعا كەمىندە 10 پروگرەسسيۆتى تۇزەتۋلەر ەنگىزۋ، كاسىبي جۋرناليستىك ەتيكا بويىنشا وقۋ جوسپارىن قۇرۋ، كەم دەگەندە 20 ونلاين ادام قۇقىقتارى كامپانياسىن جۇرگىزۋ جانە ازاماتتىق قوعامنىڭ ونلاين-ادۆوكاسي پروتسەسىنە قاتىسۋىن ارتتىرۋىن ىسكە اسىرماق.
ەو ءوزىنىڭ باق-ى پەن ۇەۇ-عا قامقورلىق جاساعىسى كەلمەي مە؟ گەوگرافيالىق تۇرعىدان بۇل قازاقستاننىڭ ىستەرىنە ارالاسۋدان دا ىڭعايلى. ال گەوساياسي تۇرعىدان العاندا، بۇل مۇلدەم باعا جەتپەس نەمەسە ول ءبىزدىڭ «تاۋەلسىز» باق-تارىمىز بەن ۇكىمەتتىك ەمەس ۇيىمدارىمىزدىڭ كەز كەلگەنىن وزىنە ۇنايتىن جەرگە اۋىستىرا الادى.
