تايلاندتا اقىلعا سىيىمسىز وقيعا بولدى. ايماقتا مەكەن ەتەتىن قولتىراۋىندار ءبىرىن ءبىرى جەپ، جالپاق جۇرتتى شوشىتتى. ولاردىڭ كەيبىرى فەرمادان قاشىپ شىعىپ، ادامداردىڭ زارەسىن ۇشىرعان، دەپ حابارلايدى "ادىرنا" ۇلتتىق پورتالى.
تايلاند، سونگحلا قالاسىنداعى قولتىراۋىن فەرماسىنىڭ يەسى قالاي قايتىس بولدى، سولايىنشا دۇربەلەڭ باستالدى. قاراۋسىز قالعان، ەشكىم تاماقتاندىرماعان كوپ قولتىراۋىن اشتان ءولدى، امان قالعاندارى ءبىر-ءبىرىن جەدى. كەيبىر قولتىراۋىندار سۋ دەڭگەيى كوتەرىلگەندە فەرمادا ايماعىنان شىعىپ كەتىپ، ادامداردى شوشىتقان. ولار قازىر ادامدار اراسىندا ءجۇر.
فەرماعا ارنايى بارعان شەنەۋنىك فيرات تانگسۋكچاروەنكۋن:
"قولتىراۋىنداردىڭ يەسى قايتىس بولدى. كەيىن تاماق بەرەتىن ەشكىم بولماي قالعان كەزدە ءبىر-ءبىرىن جەپ، سول ارقىلى ارقىلى امان قالۋعا تىرىستى. سۋ كوتەرىلگەن كەزدە فەرمادان قاشىپ ۇلگەردى. قاشىپ كەتكەن قولتىراۋىندار اينالاسىنداعىلارعا قورقىتتى - دەدى ول.
دەگەنمەن، قاراۋسىز قالعان قولدىراۋىنداردى باعۋعا زاڭدىق تۇرعىدان رۇقسات جوق. سەبەبى، قولتىراۋىندار ءالى دە ولاردىڭ قايتىس بولعان يەسىنە تيەسىلى.
جەرگىلىكتى اكىمشىلىك بۇل جاعدايعا قاتىستى مالىمدەمە جاساپ، قولتىراۋىندار بار ايماقتى باقىلاۋدا ۇستايتىنىن العا تارتتى.
"ادىرنا" ۇلتتىق پورتالى
