استانادا ناۋرىز مەرەكەسىنە وراي ازىرلەنگەن ۇلتتىق تاعام رەكورد ورناتتى، دەپ حابارلايدى ەلوردا اكىمدىگىنىڭ رەسمي سايتى.
قازاقستان رەكوردى ورناتىلعانىن كۋالاندىراتىن سەرتيفيكات استانا اكىمدىگىنە جانە بايقوڭىر اۋدانىنىڭ اكىمدىگىنە بەرىلدى. بارلىعى 2 100 ليتر ناۋرىز كوجە دايىندالدى. رەكورد 2023 جىلدىڭ 22 ناۋرىزىندا تىركەلدى.
ۇلتتىق قازىناعا اينالعان ءدامدى دايىنداۋ ءۇشىن اسپازشىلار تۋرا ءبىر كۇنىن ارنادى. وعان جۇزدەگەن كيلوگرامم بيداي، كۇرىش جانە ەت جۇمسالدى. اتاتۇرىك ساياباعىندا ءوتىپ بارا جاتقان ادامدارعا دايىن ءونىم ۇسىنىلدى.
«ەكى توننادان استام ناۋرىز كوجە — ءابسوليۋتتى رەكورد. بۇرىن بۇل كورسەتكىش تۇركىستاندىقتارعا تيەسىلى بولاتىن. ەكى جىل بۇرىن ولار 2 مىڭ ليتر ناۋرىز كوجە پىسىرگەن. بۇگىن بۇل رەكورد رەسمي تۇردە جاڭارتىلدى»، — دەدى گيننەستىڭ ايماقتىق قازاقستاندىق رەكوردتار كىتابىنىڭ رەسمي وكىلى قۋاندىق قۇدايبەرگەنوۆ.
اسپازشى گۇلنار جۇمابەكوۆانىڭ ايتۋىنشا ناۋرىز كوجە كولەمى 60-تان 150 ليترگە دەيىنگى باس-اياعى 10 قازاندا دايىندالعان. ال وسىدان كەيىن ولار 95 ليتر بولاتىر 20 بيدونعا قۇيىلدى.
ەستەرىڭىزگە سالا كەتەيىك، مەرەكە كۇندەرى ەلوردانىڭ ساياباقتارى مەن الاڭدارىندا ناۋرىز مەرەكەسىنە ارنالعان مەرەكەلىك ءىس-شارالار ءوتىپ جاتىر. اشىق الاڭداردا تاريحىمىزدىڭ ۇلى تۇلعالارىنا ارنالعان كيىز ۇيلەردىڭ كورمەسى اشىلدى. مۇندا قازاقستاندىق ەسترادا جۇلدىزدارىنىڭ، قالا ارتىستەرىنىڭ جانە شىعارماشىلىق ۇجىمداردىڭ قاتىسۋىمەن كونتسەرتتەر ۇيىمداستىرىلدى. مەرەكە قوناقتارىنا باۋىرساقتار، ىستىق تاعامدار مەن باستى تاعام – ناۋرىز كوجە ۇلەستىرىلەدى. سونداي-اق، اشىق اسپان استىندا مەرەكەلىك كوڭىل كۇي سىيلاۋ ءۇشىن ءتۇرلى-ءتۇستى فوتوايماقتار، التىباقان دايىندالدى. جەكەلەگەن سپورت الاڭدارىندا ۇلتتىق سپورت تۇرلەرى بويىنشا جارىستار وتكىزىلەدى.
"ادىرنا" ۇلتتىق پورتالى
