Astanada Naýryz merekesine oraı ázirlengen ulttyq taǵam rekord ornatty, dep habarlaıdy elorda ákimdiginiń resmı saıty.
Qazaqstan rekordy ornatylǵanyn kýálandyratyn sertıfıkat Astana ákimdigine jáne Baıqońyr aýdanynyń ákimdigine berildi. Barlyǵy 2 100 lıtr naýryz kóje daıyndaldy. Rekord 2023 jyldyń 22 naýryzynda tirkeldi.
Ulttyq qazynaǵa aınalǵan dámdi daıyndaý úshin aspazshylar týra bir kúnin arnady. Oǵan júzdegen kılogramm bıdaı, kúrish jáne et jumsaldy. Atatúrik saıabaǵynda ótip bara jatqan adamdarǵa daıyn ónim usynyldy.
«Eki tonnadan astam naýryz kóje — absolıýtti rekord. Buryn bul kórsetkish túrkistandyqtarǵa tıesili bolatyn. Eki jyl buryn olar 2 myń lıtr naýryz kóje pisirgen. Búgin bul rekord resmı túrde jańartyldy», — dedi Gınnestiń aımaqtyq qazaqstandyq rekordtar kitabynyń resmı ókili Qýandyq Qudaıbergenov.
Aspazshy Gúlnár Jumabekovanyń aıtýynsha naýryz kóje kólemi 60-tan 150 lıtrge deıingi bas-aıaǵy 10 qazanda daıyndalǵan. Al osydan keıin olar 95 lıtr bolatyr 20 bıdonǵa quıyldy.
Esterińizge sala keteıik, mereke kúnderi elordanyń saıabaqtary men alańdarynda Naýryz merekesine arnalǵan merekelik is-sharalar ótip jatyr. Ashyq alańdarda tarıhymyzdyń uly tulǵalaryna arnalǵan kıiz úılerdiń kórmesi ashyldy. Munda qazaqstandyq estrada juldyzdarynyń, qala ártisteriniń jáne shyǵarmashylyq ujymdardyń qatysýymen konertter uıymdastyryldy. Mereke qonaqtaryna baýyrsaqtar, ystyq taǵamdar men basty taǵam – naýryz kóje úlestiriledi. Sondaı-aq, ashyq aspan astynda merekelik kóńil kúı syılaý úshin túrli-tústi fotoaımaqtar, altybaqan daıyndaldy. Jekelegen sport alańdarynda ulttyq sport túrleri boıynsha jarystar ótkiziledi.
"Adyrna" ulttyq portaly
