"ادامدىق سانا-cەزىمدەرىڭ قايدا؟" - تۇرعىندار ناۋرىز مەرەكەسىندە تاراتىلعان استى توگىپ، كيەلى ناندى شاشتى

2656
Adyrna.kz Telegram

ناۋرىز مەيرامىن تويلاعان تۇرعىندار "ادال استى" توگىپ، نان كەسەكتەرىن كوشەگە شاشتى. وقيعا الماتى قالاسىندا بولعان. تۇرعىنداردىڭ تۇرپايى ارەكەتىنە اشىنعان ازاماتتىڭ "ادامدىق قاسيەت، سانا-cەزىم" ىزدەپ شارق ۇرعانىن ۆيدەودان كورۋگە بولادى، دەپ حابارلايدى "ادىرنا" ۇلتتىق پورتالى. 

ناۋرىز مەيرامىن تويلاعان جۇرت تەگىن تاراتىلعان تاماقتى كوشەگە توكتى. وقيعا الماتى قالاسىندا بولعان. الەۋمەتتىك جەلى دە تاراعان بەينەجازبادان قوقىس جاشىگىنىڭ ماڭىندا شاشىلىپ جاتقان نان كەسەكتەرى مەن ىدىستاردان اقتارىلا توگىلگەن كوجەنى كورۋگە بولادى. ىسىراپ بولعان اسقا اشىنعان اۆتوردىڭ الەۋمەتتىك جەلىگە جۇكتەگەن ۆيدەوسى كوپشىلىكتى ىزالاندىردى.

وكىنىشكە قاراي، بىردە تەگىن تاماققا تالاسىپ، بىردە تەگىن استى لىقا توككەن تۇرعىنداردىڭ ۆيدەوسى اقپارات ايدىنىن شارلاپ ءالى شارلاپ ءجۇر. جۋرناليست وڭعار قابدەن قازاق ەلى ازاماتتارىنىڭ مۇنداي ارەكەتىن شەتەلدىكتەردىڭ كورىپ، جاعاسىن ۇستاعانىن جەتكىزدى.

- حالىق اش، جالاڭاش دەپ اقتاماي-اق قويىڭىزدار. ءبىر تارەلكە تاماق ءۇشىن افريكانىڭ وزىندە بۇلاي تالاسپايدى. تەگىن تاماق، تاماق تاراتۋ دەگەن اكتسيانى توقتاتۋ كەرەك. جەتىمدەر ۇيىنە، قارتتار ۇيىنە بارىپ ىستە. مەشىتكە اپارىپ قاتىمحاناسىنا جاي داستارحاندى. ادام قۇساپ وتىرىپ جەسىن. نە مىناۋ؟ پالاۋعا تالاسقان قازاقتاردىڭ ۆيدەوسى الەمدى شارلاپ كەتتى. باعانا ۋكراينادان حابارلاسقان جىگىتتەر شوك بولىپ جاتىر. نە ايتارىمدى دا بىلمەدىم، - دەپ جازدى جۋرناليست.
"ادىرنا" ۇلتتىق پورتالى

 

 

 

 

پىكىرلەر