Naýryz meıramyn toılaǵan turǵyndar "adal asty" tógip, nan kesekterin kóshege shashty. Oqıǵa Almaty qalasynda bolǵan. Turǵyndardyń turpaıy áreketine ashynǵan azamattyń "adamdyq qasıet, sana-cezim" izdep sharq urǵanyn vıdeodan kórýge bolady, dep habarlaıdy "Adyrna" ulttyq portaly.
Naýryz meıramyn toılaǵan jurt tegin taratylǵan tamaqty kóshege tókti. Oqıǵa Almaty qalasynda bolǵan. Áleýmettik jeli de taraǵan beınejazbadan qoqys jáshiginiń mańynda shashylyp jatqan nan kesekteri men ydystardan aqtaryla tógilgen kójeni kórýge bolady. Ysyrap bolǵan asqa ashynǵan avtordyń áleýmettik jelige júktegen vıdeosy kópshilikti yzalandyrdy.
Ókinishke qaraı, birde tegin tamaqqa talasyp, birde tegin asty lyqa tókken turǵyndardyń vıdeosy aqparat aıdynyn sharlap áli sharlap júr. Jýrnalıst Ońǵar Qabden Qazaq eli azamattarynyń mundaı áreketin sheteldikterdiń kórip, jaǵasyn ustaǵanyn jetkizdi.
- Halyq ash, jalańash dep aqtamaı-aq qoıyńyzdar. Bir tarelke tamaq úshin Afrıkanyń ózinde bulaı talaspaıdy. Tegin tamaq, tamaq taratý degen akııany toqtatý kerek. Jetimder úıine, qarttar úıine baryp iste. Meshitke aparyp qatymhanasyna jaı dastarhandy. Adam qusap otyryp jesin. Ne mynaý? Palaýǵa talasqan qazaqtardyń vıdeosy álemdi sharlap ketti. Baǵana Ýkraınadan habarlasqan jigitter shok bolyp jatyr. Ne aıtarymdy da bilmedim, - dep jazdy jýrnalıst.
