بۇۇ رەسەي مەن ۋكراينانىڭ اسكەري تۇتقىنداردى ازاپتاۋىنا قىرىن قاراپ، ولاردى "وتقا دا سۋعا دا" سالعانىن ايىپتادى، دەپ حابارلايدى "ادىرنا" ۇلتتىق پورتالى.
بۇۇ باقىلاۋ ميسسياسىنىڭ ساراپشىلارى 400-گە جۋىق ادامنان، ونىڭ ىشىندە ۋكراينادا تۇتقىن بولعان رەسەي ازاماتتارىنان، سونداي-اق رەسەي تۇتقىنىنان بوساتىلعان ۋكراين ازاماتتارىنان سۇحبات الدى.
- ءبىز 25-كە جۋىق رەسەيلىك اسكەري تۇتقىندار مەن سوعىس قيمىلدارىن توقتاتۋعا ارالاسقان ادامداردىڭ باس ەركىندىگىنە الاڭدايمىز، - دەيدى بۇۇ وكىلى euronews.
بايانداماعا سايكەس، ۋكراينا بيلىگى 22 رەسەيلىكتى ولتىرۋگە قاتىستى تەرگەۋ جۇرگىزۋدە، بىراق وسى ۋاقىتقا دەيىن بۇل ىستەردىڭ ەشقايسىسى سوتتا قارالماعان. قازىرگى ۋاقىتتا رەسەيدىڭ ۋكراين اسكەري تۇتقىندارىن ءولىم جازاسىنا كەسۋگە بايلانىستى قابىلداعان شارالارى تۋرالى اقپارات جوق.
- ءبىز سونداي-اق رەسەي كۇشتەرى ۇستاپ وتىرعان ۋكراينانىڭ 15 اسكەري تۇتقىنىنىڭ تاعدىرىنا قاتتى الاڭدايمىز. ولار ءولىم جازاسىنا كەسىلۋى مۇمكىن، - دەپ اتاپ ءوتتى بۇۇ ميسسياسىنىڭ باسشىسى.
بۇۇ ازاپتاۋ نەمەسە قاتىگەزدىك سالدارىنان ۋكراين اسكەري تۇتقىندارىنىڭ بەسەۋى قازا تاپقانىن مالىمدەدى. سونداي-اق تۇتقىندا بولعان كەزدە قاجەتتى مەديتسينالىق كومەك كورسەتىلمەي، اجال قۇشقان ءتورت تۇتقىن تۋرالى اقپارات بەردى.
