مەملەكەت باسشىسى ارالاس جەكپە جەك شەبەرى شاۆكات راحمونوۆتى قابىلدادى. بۇل تۋرالى اقوردانىڭ ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
پرەزيدەنت داڭقتى سپورتشىنى تاياۋدا لاس-ۆەگاس قالاسىندا وتكەن UFC تۋرنيرىندە جەڭىسكە جەتۋىمەن قۇتتىقتادى.
قاسىم-جومارت توقاەۆ شاۆكات راحمونوۆ سەكىلدى مىقتى اتلەتتەردىڭ جەڭىسكە دەگەن ەرىك-جىگەرى مەن جەتىستىگى وسكەلەڭ ۇرپاقتى جىگەرلەندىرەتىنىن، سالاۋاتتى ءومىر سالتىن ۇستانۋعا ىنتالاندىراتىنىن ايتتى.
سونىمەن قاتار پرەزيدەنت سپورتشىنىڭ الداعى ۋاقىتتا بيىك بەلەستەردى باعىندىرا بەرۋىنە تىلەكتەستىك ءبىلدىردى.
ءوز كەزەگىندە شاۆكات راحمونوۆ ارنايى قابىلداعانى ءۇشىن قاسىم-جومارت توقاەۆقا العىس ايتتى. سونداي-اق ول جانكۇيەرلەردىڭ ءۇمىتىن اقتاپ، ەلىمىزدىڭ مەرەيىن اسقاقتاتا بەرەتىنىن جەتكىزدى.
"ادىرنا" ۇلتتىق پورتالى
