Memleket basshysy aralas jekpe jek sheberi Shavkat Rahmonovty qabyldady. Bul týraly Aqordanyń baspasóz qyzmeti habarlady, dep jazady "Adyrna" ulttyq portaly.
Prezıdent dańqty sportshyny taıaýda Las-Vegas qalasynda ótken UFC týrnırinde jeńiske jetýimen quttyqtady.
Qasym-Jomart Toqaev Shavkat Rahmonov sekildi myqty atletterdiń jeńiske degen erik-jigeri men jetistigi óskeleń urpaqty jigerlendiretinin, salaýatty ómir saltyn ustanýǵa yntalandyratynyn aıtty.
Sonymen qatar Prezıdent sportshynyń aldaǵy ýaqytta bıik belesterdi baǵyndyra berýine tilektestik bildirdi.
Óz kezeginde Shavkat Rahmonov arnaıy qabyldaǵany úshin Qasym-Jomart Toqaevqa alǵys aıtty. Sondaı-aq ol jankúıerlerdiń úmitin aqtap, elimizdiń mereıin asqaqtata beretinin jetkizdi.
"Adyrna" ulttyq portaly
