قىتاي بيلىگى ءوز بەدەلىن ساقتاپ قالۋ ءۇشىن Alibaba باسشىسىن ەلگە قايتارۋعا تىرىسىپ جاتىر

2088
Adyrna.kz Telegram

قىتاي بيلىگى Alibaba كومپانياسىنىڭ نەگىزىن قالاۋشى اتاقتى ميللياردەر دجەك مانى ەلگە قايتارۋعا تىرىسىپ جاتىر، دەپ جازادى "ادىرنا" ۇلتتىق پورتالى. 

ەستەرىڭىزگە سالا كەتەيىك، دجەك ما 2020 جىلى ءوزىنىڭ Ant Group فينتەحنولوگيالىق كومپانياسىنىڭ IPO-سىن توقتاتۋعا شەشىم قابىلداعان قىتاي بيلىگىن قاتاڭ سىنعا العاننان كەيىن ەلدەن كوشىپ كەتۋگە ءماجبۇر بولعان ەدى. كاسىپكەر مەملەكەتتىڭ قارجىلىق ساياساتى «يننوۆاتسيانى تۇنشىقتىراتىنىن» مالىمدەپ، كوپشىلىك الدىنا شىقپاي كەتتى.
2021 جىلدىڭ ساۋىرىندە قىتايدىڭ مونوپولياعا قارسى رەتتەۋشىلەرى Alibaba-عا قىتاي تاريحىنداعى رەكوردتىق 2,78 ميلليارد دوللار ايىپپۇل سالدى.
Bloomberg اقپارات اگەنتتىگىنىڭ مالىمدەۋىنشە، بۇگىندە قىتاي بيلىگى دجەك مانىڭ ەلدەگى بيزنەسكە مەملەكەتتىك قولداۋ كورسەتۋگە كومەكتەسىپ، ەلگە قايتىپ ورالۋى ءۇشىن بار ارەكەتتەردى جاساۋدا. بىراق كاسىپكەر ءارى قاراي دا اۋىلشارۋاشىلىق تەحنولوگيالارىن زەرتتەيمىن، سوندىقتان ءوز كومپانيالارىمدى باسقارۋدان باس تارتىپ،  شەتەلدە قالامىن دەپ شەشىم قابىلداعان.
دجەك ما Alibaba مەن Ant Group باسشىلارىنا ونىڭ قىتايعا ورالۋى جايلى ويلاماۋىن ءوتىندى. بىراق قاشىقتىقتان بولسا دا ولاردىڭ جەتىستىكتەرىنە قۋاناتىنىن جەتكىزدى.
2022 جىلدىڭ قاراشاسىندا Financial Times دجەك ما قىتايدان كەتىپ، جارتى جىل بويى جاپونيادا تۇرىپ جاتقانىن، كەيدە «پەكيننىڭ IT سەكتورىن باسىپ-جانشۋى» سالدارىنان باسقا ەلدەرگە دە كەتۋگە ءماجبۇر ەكەنىن جازعان.
2023 جىلدىڭ قاڭتارىندا Bloomberg دجەك ما قىتايداعى ەڭ ءىرى قارجىلىق تەحنولوگيالىق Ant Group باقىلاۋىن جوعالتاتىنىن جازدى. سونداي-اق كاسىپكەر ناۋرىز ايىنىڭ سوڭىندا قىتايدىڭ حانچجوۋ قالاسىنداعى مەكتەپتەردىڭ بىرىنە بارعان، بىراق ونىڭ ەلدە قانشا بولاتىنى بەلگىسىز.
"ادىرنا" ۇلتتىق پورتالى 
پىكىرلەر