Qytaı bıligi Alibaba kompanııasynyń negizin qalaýshy ataqty mıllıarder Djek Many elge qaıtarýǵa tyrysyp jatyr, dep jazady "Adyrna" ulttyq portaly.
Esterińizge sala keteıik, Djek Ma 2020 jyly óziniń Ant Group fıntehnologııalyq kompanııasynyń IPO-syn toqtatýǵa sheshim qabyldaǵan Qytaı bıligin qatań synǵa alǵannan keıin elden kóship ketýge májbúr bolǵan edi. Kásipker memlekettiń qarjylyq saıasaty «ınnovaııany tunshyqtyratynyn» málimdep, kópshilik aldyna shyqpaı ketti.
2021 jyldyń sáýirinde Qytaıdyń monopolııaǵa qarsy retteýshileri Alibaba-ǵa Qytaı tarıhyndaǵy rekordtyq 2,78 mıllıard dollar aıyppul saldy.
Bloomberg aqparat agenttiginiń málimdeýinshe, búginde Qytaı bıligi Djek Manyń eldegi bızneske memlekettik qoldaý kórsetýge kómektesip, elge qaıtyp oralýy úshin bar áreketterdi jasaýda. Biraq kásipker ári qaraı da aýylsharýashylyq tehnologııalaryn zertteımin, sondyqtan óz kompanııalarymdy basqarýdan bas tartyp, shetelde qalamyn dep sheshim qabyldaǵan.
Djek ma Alibaba men Ant Group basshylaryna onyń Qytaıǵa oralýy jaıly oılamaýyn ótindi. Biraq qashyqtyqtan bolsa da olardyń jetistikterine qýanatynyn jetkizdi.
2022 jyldyń qarashasynda Financial Times Djek Ma Qytaıdan ketip, jarty jyl boıy Japonııada turyp jatqanyn, keıde «Pekınniń IT sektoryn basyp-janshýy» saldarynan basqa elderge de ketýge májbúr ekenin jazǵan.
2023 jyldyń qańtarynda Bloomberg Djek Ma Qytaıdaǵy eń iri qarjylyq tehnologııalyq Ant Group baqylaýyn joǵaltatynyn jazdy. Sondaı-aq kásipker naýryz aıynyń sońynda Qytaıdyń Hanchjoý qalasyndaǵy mektepterdiń birine barǵan, biraq onyń elde qansha bolatyny belgisiz.
"Adyrna" ulttyq portaly
