Elımızde saq däuırıne jatatyn ejelgı qorǧandar tonaldy, dep habarlaidy “Adyrna” ūlttyq portaly ”Jetınşı arnaǧa” sıltep.
Däl osydan bırneşe myŋ jyl būryn salynǧan qorǧandar Jarkent qalasynan 100 şaqyrym jerde ornalasqan. Ejelgı eskertkıştıŋ tonalǧanyn alǧaş bolyp Sarybel auylynyŋ tūrǧyny Oleg Tihomirov baiqaǧan.
«Men, ärine, qatty aşulandym. Men ärdaiym mūndai äreketterge qarsymyn. Mūndai ıster jazasyz qalmauy kerek. Öitkenı bızde älı de osyndai qazynalar bar. Eger osy ürdıs jalǧasa berse, bolaşaq ūrpaǧymyz – balalar men nemerelerımız – mūndai bailyqtardy körmei qalady. Sondyqtan kelgen bette äkımdık te, özge de tiıstı mekemelerge habar berdım», – dedı auyl tūrǧyny.
Azamattyŋ şaǧymy eskertkışterdı qorǧau ortalyǧyna joldanǧan. Mamandardyŋ boljamynşa, būl jerde skif kösemderı jerlenuı mümkın. Alaida ūrylar arnaiy tehnikanyŋ kömegımen ülken qorymdy qazyp ülgergen.
«Skifter däuırınde altyn men basqa da qūndy būiymdar öte köp bolǧan. Basqa kezeŋdermen salystyrǧanda, däl osy däuırde jerleu räsımınde baǧaly zattar jiı qoldanylǧan. Sondyqtan “qara arheologtar” bız üşın ülken qauıpke ainaldy. Qazır osy eskertkışterdıŋ būzyluyna bailanysty qūzyrly organdarǧa aryz tüsıremız jäne jūmys jürgızemız», – dedı eskertkışterdı qorǧau ortalyǧynyŋ direktory Ǧalymjan Ospanov.
Jetısu oblysynda köptegen köne qorǧandar ornalasqan. Memlekettık qorǧauǧa alynǧanyna jäne arnaiy belgıler qoiylǧanyna qaramastan, olardyŋ köpşılıgı būzylǧan.
Ūqsas jaŋalyqtar
