Bügın Jetısu oblysynyŋ äkımı Beibıt İsabaev öŋırdıŋ üzdık auyl şaruaşylyǧy qyzmetkerlerın marapattau räsımın ötkızıp, olardyŋ bırqataryna el Prezidentınıŋ atynan memlekettık nagradalar tabystady, dep habarlaidy Jetısu oblysy äkımınıŋ baspasöz qyzmetı.
- Biyl Astanada el tarihynda tūŋǧyş ret Auyl şaruaşylyǧy qyzmetkerlerınıŋ I forumy ötıp, sonyŋ aiasynda Memleket basşysy elımızdıŋ är öŋırınen, sonyŋ ışınde Jetısu oblysynan barǧan auyl şaruaşylyǧy salasynyŋ ökılderın marapattady. Ekonomikanyŋ ösuı auyl şaruaşylyǧynyŋ damuyna tıkelei bailanysty. Bızdıŋ öŋırdıŋ tabiǧi-klimattyq jaǧdaiynyŋ qolailylyǧy osy maŋyzdy salanyŋ damuyna ülken yqpal etedı. Būl rette bızdıŋ öŋırde ösırıletın auyl şaruaşylyǧy önımderınıŋ şamamen 65%-y özımızde öŋdeledı. Biyl negızgı auyl şaruaşylyǧy daqyldarynan joǧary önım aldyq. Mäselen, osy jyly oblysta alǧaş ret 640 myŋ tonna qant qyzylşasyn alamyz. Jalpy 510,1 myŋ gektar egıs alqabynan 2,1 mln.tonna auyl şaruaşylyǧy daqyldary jinalady dep kütılude. Osy jetıstıkterdıŋ barlyǧynda sızderdıŋ qajyrly eŋbekterıŋız, ülken ülesterıŋız bar. Bız öz tarapymyzdan memlekettık qoldau körsetudı jalǧastyramyz. Mysaly, biyl öŋırdıŋ agroönerkäsıp keşenın qoldauǧa biudjetten 35 mlrd. teŋge bölındı, - dep atap ötken oblys äkımı B. İsabaev öŋırdıŋ auyl şaruaşylyǧyn damytuǧa qosqan ülesı üşın şaruaşylyq ökılderıne alǧysyn bıldırıp, marapattau räsımıne köştı.
«Parasat» ordenımen Taldyqorǧan qalasyndaǧy «Samai» şarua qojalyǧynyŋ basşysy Erkımbek Sliamov marapattaldy. Ol özınıŋ şarua qojalyǧynyŋ jūmysyn 30 jylǧa juyq uaqyt boiy jürgızıp, egınşılıkpen, jäne mal şaruaşylyǧymen qatar ainalysyp keledı. Qant qyzylşasy, jügerı, soia, bidai, arpa, sondai-aq ırı qara men jylqy ösıredı. Şaruaşylyqta 50-ge juyq auyl şaruaşylyǧy tehnikasy bar.
Al Aqsu audanynan «Däulet» şarua qojalyǧynyŋ basşysy Däulet Biädılov pen Alaköl audanynan «Asyl tūiaq» JŞS qūryltaişysy, bas direktory Duman Naǧaşbekūly «Qūrmet» ordenıne ie boldy.
Däulet Köşerbaiūly auyl şaruaşylyǧy salasynda 22 jyldan berı eŋbek etıp keledı. Negızgı baǧyty – qyzylşa ösıru. Bügıngı taŋda «Däulet-B» şarua qojalyǧy - Aqsu qant zauytyna qyzylşa ötkızetın audandaǧy ırı şaruaşylyqtyŋ bırı. Sonymen qatar fermer audannyŋ az qamtylǧan jäne köp balaly otbasylaryna tūraqty qoldau körsetıp, qaiyrymdylyqpen belsendı ainalysyp keledı.
Sol siiaqty «Asyl tūiaq» JŞS asyl tūqymdy ırı qara men qoi ösırıp, maldyŋ jaŋa tūqymdaryn şyǧarady. Söitıp eksporttyq äleuetın arttyryp, ettı mal şaruaşylyǧyn damytuǧa eleulı üles qosyp jür.
Öŋırdıŋ auyl şaruaşylyǧyn damytuǧa qosqan ülesı eskerılıp, 2002 jyldan bastap Kerbūlaq audanyndaǧy «Nūrqadam» ŞQ jürgızuşısı ärı mehanizatory bolyp jürgen Nūrbol Saidaqūlov «Eren eŋbegı üşın» medalımen marapattaldy.
Marapattalǧandardyŋ atynan «Samai» ŞQ basşysy Erkımbek Sliamov söiledı.
- Menıŋ şaruaşylyǧymnyŋ jerı tasty. Sondyqtan joǧary önımdılıkke qol jetkızu öte qiyn. Bıraq qazırgı zamanǧy tehnikanyŋ, agrotehnologiialardy saqtaudyŋ, memleket tarapynan körsetıletın qoldaudyŋ jäne şydamdylyqtyŋ arqasynda qazır osy uchaskelerden 550-600 sentnerden qant qyzylşasyn alyp otyrmyn. Bız tabysty damudyŋ osy qarqynyn saqtap qaluǧa bar küş-jıgerımızdı jūmsaimyz, - dedı ol.
Eske salsaq, juyrda Astana qalasynda ötken auyl şaruaşylyǧy qyzmetkerlerınıŋ I forumynda Jetısu oblysynyŋ taǧy bır şaruaşylyǧynyŋ ökılı, Panfilov audanynda tamşylatyp suaru tehnologiiasymen jūmys ısteitın «Äigerım» şarua qojalyǧynyŋ basşysy Ūlan Sarpekov Prezidenttıŋ qolynan «Qūrmet» ordenın alǧan bolatyn.
Jalpy Jetısu oblysynda 10 aidyŋ qorytyndysy boiynşa auyl şaruaşylyǧy önımınıŋ kölemı 362 mlrd. teŋgeden asty, al jyl qorytyndysy boiynşa būl körsetkıştı 102,5%-ǧa, iaǧni 518,2 mlrd. teŋgege jetkızu josparlanyp otyr.
Ūqsas jaŋalyqtar
