ۇلىتاۋ وبلىسىندا جاستارعا ارنالعان «Ulytau Zhastary» تۇرعىن ءۇي باعدارلاماسى باستالادى. باعدارلاما 35 جاسقا دەيىنگى وبلىس تۇرعىندارىنا نەعۇرلىم ءتيىمدى شارتتارمەن تۇرعىن ءۇي ساتىپ الۋعا كومەكتەسەدى.
ۇلىتاۋ وبلىسىنىڭ اكىمدىگى «وتباسى بانك» اق بىرلەسە وتىرىپ قول جەتىمدى قارىزدار بەرۋ ءۇشىن 750 ملن.تەڭگە كولەمىندە قاراجات بولەدى.
باعدارلاما قاتىسۋشىلارىنا جىلدىق نەسيە مولشەرلەمەسى 5%-دى قۇرايدى. قارىزدىڭ ەڭ جوعارى سوماسى – 20 ملن. تەڭگە. باستاپقى جارنا كەم دەگەندە 10% بولۋى كەرەك.
جەڭىلدەتىلگەن نەسيەلەندىرۋگە ۇمىتكەرلەر پۋلىنا باعدارلامانىڭ تالاپتارىنا ساي كەلەتىندەر جانە بەكىتىلگەن كريتەريلەر بويىنشا كوپ بالل جيناعاندار وتەدى. ول كريتەريلەرگە سانىنا نەكەدەگى جىلدار سانى، بالالاردىڭ بولۋى، جۇمىس ءوتىلى جانە ت. ب. اسەر ەتەدى. ەڭ كوپ بالل جيناعاندار قاتىسۋشىلاردىڭ تولەم قابىلەتىن «وتباسى بانك» اق ايقىندايدى.
ۇلىتاۋ وبلىسىنىڭ جاس ماماندارىن كرەديتتەۋگە وبەكتىلەرى ۇلىتاۋ وبلىسىندا ورنالاسقان كەلەسى قىزمەت سالالارى قاتىسا الادى:
1) دەنساۋلىق ساقتاۋ - ۇلىتاۋ وبلىسىندا ورنالاسقان دەنساۋلىق ساقتاۋ سالاسىنداعى مەملەكەتتىك ۇيىمداردىڭ شتاتتىق قىزمەتكەرلەرى (تەحنيكالىق جانە اكىمشىلىك پەرسونالدى قوسپاعاندا);
2) ءبىلىم بەرۋ - ۇلىتاۋ وبلىسىندا ورنالاسقان ءبىلىم بەرۋ سالاسىنداعى مەملەكەتتىك ۇيىمداردىڭ (ونىڭ ىشىندە مەملەكەتتىڭ 100% قاتىسۋىمەن اق جانە كەاق) پەداگوگ قىزمەتكەرلەرى (تەحنيكالىق جانە اكىمشىلىك پەرسونالدى قوسپاعاندا);
3) مادەنيەت - ۇلىتاۋ وبلىسىندا تىركەلگەن مەملەكەتتىك مادەني ۇيىمداردىڭ (ونىڭ ىشىندە مەملەكەتتىڭ 100% قاتىسۋىمەن اق جانە كەاق) بەيىندى قىزمەتكەرلەرى (تەحنيكالىق جانە اكىمشىلىك پەرسونالدى قوسپاعاندا) ;
4) سپورت – ۇلىتاۋ وبلىسىندا تىركەلگەن مەملەكەتتىك ۇيىمداردا ەڭبەك قىزمەتىن جۇزەگە اسىراتىن سپورتشىلار مەن جاتتىقتىرۋشى-وقىتۋشىلار (تەحنيكالىق جانە اكىمشىلىك پەرسونالدى قوسپاعاندا);
5) باق - اتاپ ايتقاندا: مەملەكەتتىك قىزمەتشىلەردى قوسپاعاندا، ۇلىتاۋ وبلىسىندا ورنالاسقان باق-تا (ەسەپكە قويۋ تۋرالى كۋالىگى بار ۇيىمداردىڭ/مەكەمەلەردىڭ) شتاتتىق قىزمەتكەرلەرى;
6) جوو - اتاپ ايتقاندا: ۇلىتاۋ وبلىسىندا تىركەلگەن جوعارى وقۋ ورىندارىنىڭ شتاتتىق قىزمەتكەرلەرى (تەحنيكالىق جانە اكىمشىلىك پەرسونالدى قوسپاعاندا);
7) الەۋمەتتىك سالا - ۇلىتاۋ وبلىسىندا تىركەلگەن حالىقتى الەۋمەتتىك قورعاۋ سالاسىنداعى مەملەكەتتىك ۇيىمداردىڭ (ونىڭ ىشىندە مەملەكەتتىڭ 100% قاتىسۋىمەن اق جانە كەاق) شتاتتىق قىزمەتكەرلەرى (تەحنيكالىق جانە اكىمشىلىك پەرسونالدى قوسپاعاندا).
«Ulytau zhastary» باعدارلاماسىنا قاتىسۋشىلارعا قويىلاتىن تالاپتار:
1. قاتىسۋشىنىڭ جاسى ءوتىنىش بەرگەن كەزدە 35 جاستان (قوسا العاندا) اسپاۋعا ءتيىس;
2. باعدارلاماعا قاتىسۋشىنىڭ جانە ونىڭ وتباسى مۇشەلەرىنىڭ قر اۋماعى بويىنشا سوڭعى 5 جىلدا مەنشىك قۇقىعىنداعى تۇرعىن ءۇيدىڭ بولماۋى;
3. تاڭدالعان سالاداعى رەسمي جۇمىس ءوتىلى-زەينەتاقى جارنالارىن مىندەتتى تۇردە تولەي وتىرىپ، كەمىندە سوڭعى 1 جىل;
4. باعدارلاماعا ەرلى-زايىپتىلاردىڭ بىرەۋى عانا قاتىسا الادى.
ءوتىنىم بەرۋ ءۇشىن وزىڭىزبەن بىرگە جىلجىمايتىن مۇلىكتىڭ جوقتىعى تۋرالى جانە مەكەن-جاي انىقتامالارى (باعدارلاماعا قاتىسۋشىعا جانە وتباسى مۇشەلەرىنە), سوڭعى ءبىر جىلداعى زەينەتاقى تولەمدەرى تۋرالى ءۇزىندى كوشىرمەنى (egov.kz –تەن الۋعا بولادى), نەكەگە تۇرۋ نەمەسە بۇزۋ تۋرالى كۋالىك، بالالاردىڭ تۋ تۋرالى كۋالىگى، جۇمىس ورنىنان انىقتاما (رەسمي بلانكىدە نەمەسە ۇيىمنىڭ مورىمەن كۋالاندىرىلعان، لاۋازىمدارى، جۇمىس كەزەڭى، جالاقىسىنىڭ مولشەرى كورسەتىلگەن), ەڭبەك ءوتىلىن، مۇگەدەكتىگىن راستايتىن (بار بولعان جاعدايدا) قۇجاتتار اكەلىڭىز.
باعدارلاماعا قاتىسۋعا ءوتىنىم بەرۋ بەيبىتشىلىك داڭعىلى 26/1 مەكەنجايىندا ورنالاسقان جاستار سارايىندا جۇزەگە اسادى.
وتىنىمدەر 2023 جىلدىڭ 27-31 ناۋرىزى ارالىعىندا ساعات 9.00-18.00 (تۇسكى ءۇزىلىس ساع.13.00-14.30) ارالىعىندا قابىلدانادى. تۋىنداعان سۇراقتار بويىنشا +77784608509 نومەرىنە حابارلاسۋعا بولادى.
