Ulytaý oblysynda jastarǵa arnalǵan «Ulytau Zhastary» turǵyn úı baǵdarlamasy bastalady. Baǵdarlama 35 jasqa deıingi oblys turǵyndaryna neǵurlym tıimdi sharttarmen turǵyn úı satyp alýǵa kómektesedi.
Ulytaý oblysynyń ákimdigi «Otbasy bank» AQ birlese otyryp qol jetimdi qaryzdar berý úshin 750 mln.teńge kóleminde qarajat bóledi.
Baǵdarlama qatysýshylaryna jyldyq nesıe mólsherlemesi 5%-dy quraıdy. Qaryzdyń eń joǵary somasy – 20 mln. teńge. Bastapqy jarna kem degende 10% bolýy kerek.
Jeńildetilgen nesıelendirýge úmitkerler pýlyna baǵdarlamanyń talaptaryna saı keletinder jáne bekitilgen krıterııler boıynsha kóp ball jınaǵandar ótedi. Ol krıterıılerge sanyna nekedegi jyldar sany, balalardyń bolýy, jumys ótili jáne t. b. áser etedi. Eń kóp ball jınaǵandar qatysýshylardyń tólem qabiletin «Otbasy bank» AQ aıqyndaıdy.
Ulytaý oblysynyń jas mamandaryn kredıtteýge obektileri Ulytaý oblysynda ornalasqan kelesi qyzmet salalary qatysa alady:
1) Densaýlyq saqtaý - Ulytaý oblysynda ornalasqan densaýlyq saqtaý salasyndaǵy memlekettik uıymdardyń shtattyq qyzmetkerleri (tehnıkalyq jáne ákimshilik personaldy qospaǵanda);
2) Bilim berý - Ulytaý oblysynda ornalasqan bilim berý salasyndaǵy memlekettik uıymdardyń (onyń ishinde memlekettiń 100% qatysýymen AQ jáne KEAQ) pedagog qyzmetkerleri (tehnıkalyq jáne ákimshilik personaldy qospaǵanda);
3) Mádenıet - Ulytaý oblysynda tirkelgen memlekettik mádenı uıymdardyń (onyń ishinde memlekettiń 100% qatysýymen AQ jáne KEAQ) beıindi qyzmetkerleri (tehnıkalyq jáne ákimshilik personaldy qospaǵanda) ;
4) Sport – Ulytaý oblysynda tirkelgen memlekettik uıymdarda eńbek qyzmetin júzege asyratyn sportshylar men jattyqtyrýshy-oqytýshylar (tehnıkalyq jáne ákimshilik personaldy qospaǵanda);
5) BAQ - atap aıtqanda: memlekettik qyzmetshilerdi qospaǵanda, Ulytaý oblysynda ornalasqan BAQ-ta (esepke qoıý týraly kýáligi bar uıymdardyń/mekemelerdiń) shtattyq qyzmetkerleri;
6) JOO - atap aıtqanda: Ulytaý oblysynda tirkelgen joǵary oqý oryndarynyń shtattyq qyzmetkerleri (tehnıkalyq jáne ákimshilik personaldy qospaǵanda);
7) Áleýmettik sala - Ulytaý oblysynda tirkelgen halyqty áleýmettik qorǵaý salasyndaǵy memlekettik uıymdardyń (onyń ishinde memlekettiń 100% qatysýymen AQ jáne KEAQ) shtattyq qyzmetkerleri (tehnıkalyq jáne ákimshilik personaldy qospaǵanda).
«Ulytau zhastary» baǵdarlamasyna qatysýshylarǵa qoıylatyn talaptar:
1. Qatysýshynyń jasy ótinish bergen kezde 35 jastan (qosa alǵanda) aspaýǵa tıis;
2. Baǵdarlamaǵa qatysýshynyń jáne onyń otbasy músheleriniń QR aýmaǵy boıynsha sońǵy 5 jylda menshik quqyǵyndaǵy turǵyn úıdiń bolmaýy;
3. Tańdalǵan saladaǵy resmı jumys ótili-zeınetaqy jarnalaryn mindetti túrde tóleı otyryp, keminde sońǵy 1 jyl;
4. Baǵdarlamaǵa erli-zaıyptylardyń bireýi ǵana qatysa alady.
Ótinim berý úshin ózińizben birge jyljymaıtyn múliktiń joqtyǵy týraly jáne meken-jaı anyqtamalary (Baǵdarlamaǵa qatysýshyǵa jáne otbasy múshelerine), sońǵy bir jyldaǵy zeınetaqy tólemderi týraly úzindi kóshirmeni (egov.kz –ten alýǵa bolady), nekege turý nemese buzý týraly kýálik, balalardyń týý týraly kýáligi, jumys ornynan anyqtama (resmı blankide nemese uıymnyń mórimen kýálandyrylǵan, laýazymdary, jumys kezeńi, jalaqysynyń mólsheri kórsetilgen), eńbek ótilin, múgedektigin rastaıtyn (bar bolǵan jaǵdaıda) qujattar ákelińiz.
Baǵdarlamaǵa qatysýǵa ótinim berý Beıbitshilik dańǵyly 26/1 mekenjaıynda ornalasqan Jastar saraıynda júzege asady.
Ótinimder 2023 jyldyń 27-31 naýryzy aralyǵynda saǵat 9.00-18.00 (túski úzilis saǵ.13.00-14.30) aralyǵynda qabyldanady. Týyndaǵan suraqtar boıynsha +77784608509 nómerine habarlasýǵa bolady.
