وڭتۇستىك كورەيادا قاشىپ كەتكەن ەكىنشى قازاقستاندىق ءوز ەركىمەن پوليتسياعا بەرىلدى. بۇل تۋرالى سىرتقى ىستەر مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
ايتا كەتەيىك، وڭتۇستىك كورەيادا قاشىپ كەتكەن قازاقستاندىقتى ۇستاعانى ءۇشىن 30 ميلليون ۆون (10 ميلليون تەڭگەدەن استام) سىياقى تاعايىندالعان ەدى.
"ەلشىلىك بۇل ماسەلەنى ەرەكشە باقىلاۋدا ۇستايدى جانە بارلىق قاجەتتى كونسۋلدىق-قۇقىقتىق كومەك كورسەتەدى", – دەدى ءسىم.
ەستەرىڭىزگە سالساق، جەكسەنبى كۇنى تاڭعى ساعات 4:20-دا 18 جانە 21 جاستاعى ەكى قازاقستان ازاماتى دەپورتاتسياعا ارنالعان ۇشاققا وتىرماي قاشىپ كەتتى. ەكەۋى اۆتوبۋستىڭ تەرەزەسىنەن شىعىپ، تىكەندى سىم تارتىلعان قورشاۋدان سەكىرىپ كەتكەن.
