بۇرىنعى قورعانىس ءمينيسترى مۇرات بەكتانوۆتىڭ ءىسى اپەللياتسيالىق القاعا جولداندى. بۇل تۋرالى قىلمىستىق ىستەر جونىندەگى مامانداندىرىلعان اۋدانارالىق اسكەري سوتىنىڭ توراعاسى ەركىن شارىپبەكوۆ ايتتى، دەپ حابارلايدى “ادىرنا” ۇلتتىق پورتالى قازاقپاراتقا سىلتەمە جاساپ.
«م.بەكتانوۆ مامانداندىرىلعان اسكەري اۋدانارالىق سوتتىڭ ۇكىمىمەن 2023 جىلدىڭ 24 اقپانىنداعى قر قىلمىستىق كودەكسىنىڭ 451-بابىنىڭ 3-بولىگى بويىنشا 12 جىلعا باس بوستاندىعىنان ايىرىلدى»، - دەلىنگەن.ۇكىم بويىنشا ول مەرزىمدى جازاسىن قىلمىستىق اتقارۋ جۇيەسىنىڭ قاۋىپسىزدىگى بارىنشا كۇشەيتىلگەن مەكەمەسىندە وتەۋى كەرەك بولعان.
«ۇكىم ءالى زاڭدىق كۇشىنە ەنگەن جوق، سوتتالۋشى م.بەكتانوۆ پەن قورعاۋشىسى ا.ن.پودۋشكين ۇكىمگە شاعىم ءتۇسىردى. ءىس اسكەري سوتتىڭ قىلمىستىق ىستەر جونىندەگى اپەللياتسيالىق القاسىنا شاعىم ءمانى بويىنشا قاراۋعا جولداندى»، - دەپ جازادى ە.شارىپبەكوۆ.ەسكە سالايىق، مۇرات بەكتانوۆ 9 ناۋرىز كۇنى 12 جىلعا سوتتالعان بولاتىن. بيىل قاڭتاردا ەكس-مينيستر مۇرات بەكتانوۆتىڭ زاڭسىز بۇيرىق بەرگەنى انىقتالدى. تارتىپسىزدىككە قاتىسقاندار، اسىرەسە، الماتىدا سانى جاعىنان باسىم بولعان. ولار قورشاۋدى بۇزعان، پوليتسيا مەن ۇلتتىق ۇلان كۇشتەرىن باسىپ، حالىققا زورلىق-زومبىلىق جاساعان. سونىڭ سالدارىنان قىلمىسكەرلەر قولىنان ادامدار قازا بولعان، قالالار تونالعان جانە ورتەلگەن. سوندىقتان بەكتانوۆ ۇرىس جاعدايىندا جاسالعان بيلىكتى اسىرا پايدالانۋ بويىنشا ايىپتالدى.
ۇقساس جاڭالىقتار
