اقش قورعانىس ءمينيسترى پيت حەگسەت پەنتاگوننىڭ رەسمي تۇردە «سوعىس مينيسترلىگى» دەپ اتالا باستايتىنىن حابارلادى، دەپ حابارلايدى "ادىرنا" ۇلتتىق پورتالى.
مينيستر حەگسەت بۇل تۋرالى الەۋمەتتىك جەلىدەگى پاراقشاسىندا مالىمدەپ، ءوزىنىڭ رەسمي مارتەبەسىن جاڭا اتاۋمەن وزگەرتتى. اق ءۇي دە بۇل وزگەرىستى راستاپ، رەسمي جاريالانىم جاسادى.
بۇعان دەيىن اقش پرەزيدەنتى دونالد ترامپ 5 قىركۇيەك كۇنى پەنتاگوندى «سوعىس مينيسترلىگى» دەپ قايتا اتاۋ تۋرالى جارلىققا قول قوياتىنى حابارلانعان ەدى.
اكىمشىلىك وكىلدەرىنىڭ ايتۋىنشا، جارلىقتا «سوعىس مينيسترلىگى» ەكىنشى اتاۋ رەتىندە كورسەتىلەدى. بۇل قادام كونگرەستىڭ رەسمي ماقۇلداۋىنسىز ۆەدومستۆونىڭ اتاۋىن وزگەرتۋگە مۇمكىندىك بەرەدى.
ايتا كەتەيىك، پەنتاگون – اقش-تىڭ قورعانىس ساياساتىن باسقاراتىن نەگىزگى ورگان، ەلدىڭ قارۋلى كۇشتەرىن باقىلايدى.
ەندى رەسمي قۇجاتتار مەن مالىمدەمەلەردە «قورعانىس مينيسترلىگىمەن» قاتار «سوعىس مينيسترلىگى» اتاۋى دا قولدانىلۋى مۇمكىن.
