AQŞ qorǧanys ministrı Pit Hegset Pentagonnyŋ resmi türde «Soǧys ministrlıgı» dep atala bastaitynyn habarlady, dep habarlaidy "Adyrna" ūlttyq portaly.
Ministr Hegset būl turaly äleumettık jelıdegı paraqşasynda mälımdep, özınıŋ resmi märtebesın jaŋa ataumen özgerttı. Aq üi de būl özgerıstı rastap, resmi jariialanym jasady.
Būǧan deiın AQŞ prezidentı Donald Tramp 5 qyrküiek künı Pentagondy «Soǧys ministrlıgı» dep qaita atau turaly jarlyqqa qol qoiatyny habarlanǧan edı.
Äkımşılık ökılderınıŋ aituynşa, jarlyqta «Soǧys ministrlıgı» ekınşı atau retınde körsetıledı. Būl qadam Kongrestıŋ resmi maqūldauynsyz vedomstvonyŋ atauyn özgertuge mümkındık beredı.
Aita keteiık, Pentagon – AQŞ-tyŋ qorǧanys saiasatyn basqaratyn negızgı organ, eldıŋ qaruly küşterın baqylaidy.
Endı resmi qūjattar men mälımdemelerde «Qorǧanys ministrlıgımen» qatar «Soǧys ministrlıgı» atauy da qoldanyluy mümkın.
