شىمكەنتتە بايتەرەكوۆ پەن نازاربەكوۆ كوشەلەرىنىڭ قيىلىسىندا جۇرگىزۋشىسى جوق اۆتوبۋس 6 ادامدى قاعىپ كەتتى. بۇل تۋرالى قالالىق پوليتسيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
8 ءساۋىر كەشكى ساعات 18:30 شاماسىندا «مەترو» ساۋدا ءۇيىنىڭ جانىنداعى ەكى كوشەنىڭ قيىلىسىندا جۇرگىزۋشىسى جوق اۆتوبۋس قارسى باعىتقا شىعىپ كەتىپ، جاياۋ جۇرگىنشى جولاعىندا كەلە جاتقان 6 ادامدى قاققان.
سالدارىنان ەكى ايەل مەن ءجاسوسپىرىم وقيعا ورنىندا جانە كامەلەتكە تولماعان قىز جانساقتاۋ بولىمىندە كوز جۇمدى. سونىڭ ىشىندە 17 جاستاعى قىز قالالىق كلينيكالىق اۋرۋحاناعا جەتكىزىلگەن. دارىگەرلەر 2005 جىلعى قىزدىڭ جاعدايىن ورتاشا اۋىر دەپ باعالادى، ول نەيروحيرۋرگيا بولىمىندە جاتىر.
وقيعا ورنىنا ءتورت جەدەل جاردەم بريگاداسى باردى. فەلدشەر زارداپ شەككەندەرگە العاشقى كومەك كورسەتىپ، ولاردى جاقىن ماڭداعى اۋرۋحانالارعا جەتكىزدى.
باسقا زارداپ شەككەندەر وبلىستىق بالالار اۋرۋحاناسىندا، پەريناتالدىق ورتالىقتا جانە شىمكەنت قالالىق كلينيكالىق اۋرۋحاناسىندا ەم الۋدا.
