Şymkentte Bäiterekov pen Nazarbekov köşelerınıŋ qiylysynda jürgızuşısı joq avtobus 6 adamdy qaǧyp kettı. Būl turaly qalalyq polisiia departamentı mälımdedı, dep habarlaidy “Adyrna” ūlttyq portaly.
8 säuır keşkı saǧat 18:30 şamasynda «Metro» sauda üiınıŋ janyndaǧy ekı köşenıŋ qiylysynda jürgızuşısı joq avtobus qarsy baǧytqa şyǧyp ketıp, jaiau jürgınşı jolaǧynda kele jatqan 6 adamdy qaqqan.
Saldarynan ekı äiel men jasöspırım oqiǧa ornynda jäne kämeletke tolmaǧan qyz jansaqtau
bölımınde köz jūmdy. Sonyŋ ışınde 17 jastaǧy qyz qalalyq klinikalyq auruhanaǧa jetkızılgen. Därıgerler 2005 jylǧy qyzdyŋ jaǧdaiyn ortaşa auyr dep baǧalady, ol neirohirurgiia bölımınde jatyr.
Oqiǧa ornyna tört jedel järdem brigadasy bardy. Feldşer zardap şekkenderge alǧaşqy kömek körsetıp, olardy jaqyn maŋdaǧy auruhanalarǧa jetkızdı.
Basqa zardap şekkender oblystyq balalar auruhanasynda, perinataldyq ortalyqta jäne Şymkent qalalyq klinikalyq auruhanasynda em aluda.
Ūqsas jaŋalyqtar
