Şymkent qalasy äkımınıŋ bırınşı orynbasary bolyp Quanyş Asylov taǧaiyndaldy, dep habarlaidy “Adyrna” ūlttyq portaly.
"Prezident äkımşılıgınıŋ kelısımı boiynşa Quanyş Jūmabekūly Asylov Şymkent qalasy äkımınıŋ bırınşı orynbasary bolyp taǧaiyndaldy", - delıngen habarlamada.Şymkent äkımdıgınıŋ mälımetınşe, taǧaiyndalǧanǧa deiın ol QR prezidentı äkımşılıgınıŋ memlekettık inspektory qyzmetın atqardy. Asylov Quanyş Jūmabekūly 1973 jyly 14 nauryzda Almatyda düniege kelgen. Äl-Farabi atyndaǧy Qazaq ūlttyq universitetı Qūqyqtanu ǧylymdarynyŋ magistrı, Vaşington Diuk universitetı Senford memlekettık saiasat mektebı Saiasattanu ǧylymdarynyŋ magistrı. 1995-2002 jyldary - Biznes salasyndaǧy basşylyq lauazymdar. 2002-2006 jyldary - Memlekettık organdarda qyzmet atqarǧan. 2006-2010 jyldary - QR Prezidentınıŋ Is basqarmasynda resmi ıs-şaralary jäne syrtqy bailanystar sektorynyŋ meŋgeruşısı. 2011-2013 jyldary - QR Esep komitetınıŋ qarjylyq būzuşylyqtardy zertteu ortalyǧynyŋ direktory. 2013-2014 jyldary - QR Bılım jäne ǧylym ministrlıgınıŋ jastar ısterı jönındegı komitetınıŋ töraǧasy. 2014-2017 jyldary - QR Mädeniet jäne sport ministrlıgınıŋ qoǧamdyq-saiasi jūmystar jäne tılder saiasaty komitetınıŋ töraǧasy. 2017-2018 jyldary - QR Prezidentı Äkımşılıgı qoǧamdyq-saiasat sektorynyŋ meŋgeruşısı. 2018-2019 jyldary - QR Prezidentı Äkımşılıgı analitika ortalyǧy meŋgeruşısınıŋ bırınşı orynbasary. 2019-2023 jyldary - QR Prezidentı Äkımşılıgınıŋ memlekettık inspektory. Qazaqstan Käsıpqoi boks federasiiasynyŋ bırınşı vise-prezidentı, QR Prezidentınıŋ janyndaǧy Memlekettık basqaru akademiiasynyŋ tülekterı qauymdastyǧynyŋ prezidentı. "Qūrmet" ordenınıŋ kavalerı, "Eren eŋbegı üşın", QR Ūlttyq qauıpsızdık komitetınıŋ "QR ŪQK 25 jyl" memlekettık medaldarymen marapattalǧan.
Ūqsas jaŋalyqtar
