«ەسىك» مەملەكەتتىك تاريحي-مادەني مۋزەي-قورىعىندا حالىقارالىق ەسكەرتكىشتەر مەن تاريحي ورىنداردى قورعاۋ كۇنىنە ارنالعان ءداستۇرلى مەرەكەلىك ءىس-شارا ءوتتى.
سالتاناتتى شارادا «ەسىك» مۋزەي-قورىعىنىڭ ديرەكتورى گۇلميرا رايىلقىزى مۇحتاروۆا قۇتتىقتاۋ ءسوز سويلەپ، بۇگىنگى تاڭدا مۋزەي سالاسىنىڭ جاڭا زامانعا ساي دامىپ كەلە جاتقاندىعىن اتاپ ءوتتى.
ءىس-شارا اياسىندا جامبىل وبلىسى اكىمدىگىنىڭ مادەنيەت، ارحيۆتەر جانە قۇجاتتاما باسقارماسىنا قاراستى جامبىل وبلىستىق تاريحي-ولكەتانۋ مۋزەيىنىڭ «تاريحى تەرەڭ تاراز» اتتى كورمەسىنىڭ سالتاناتتى اشىلۋى بولدى. ەكسپوزيتسيامەن جامبىل وبلىستىق تاريحي-ولكەتانۋ مۋزەيىنىڭ» قىزمەتكەرى جانسايا ۇشكەمپىرقىزى سەمبەكوۆا تانىستىردى.
مەرەكەلىڭ ءىس-شارا اياسىندا 2022 جىلى «ەسىك» مۋزەي-قورىعىمەن بەلسەندى ارىپتەستىك ورناتقان باق، تۋرفيرما، مادەنيەت سالاسىنىڭ وكىلدەرى مەن ۇستازدار جانە دەمەۋشىلەرمەن كەزدەسۋ ۇيىمداستىرىلىپ، ولارعا مۋزەي ىسىنە قوسقان ۇلەسى ءۇشىن ارنايى ماراپاتتار تابىستالدى.
ءىس-شارا بارىسىندا «ەسىك» مەملەكەتتىك تاريحي-مادەني مۋزەي-قورىعىنىڭ ديرەكتورى مۇحتاروۆا گۇلميرا رايىلقىزى مەن جامبىل وبلىستىق تاريحي-ولكەتانۋ مۋزەيىنىڭ ديرەكتورى ءىلياس سەيىتجان رىسبەكۇلى ەكى مەكەمە اراسىندا عىلىمي، مادەني شىعارماشىلىقتى نىعايتۋعا بايلانىستى تىكەلەي جانە ءوزارا ءتيىمدى ىنتىماقتاستىقتى ورناتۋ، ۇلتتىڭ مادەني جانە جازبا مۇراسىن ساقتاۋ سالاسىندا ىنتىماقتاستىق ورناتۋ ماقساتىندا مەموراندۋمعا قول قويدى.
جىلداعى ءداستۇر بويىنشا مۋزەي اۋلاسىن اباتتاندىرۋ شاراسى جالعاسىن تاۋىپ، بيىلعى جىلى كوكەنوۆتەر اۋلەتىنىڭ دەمەۋشىلىگىمەن 5 ءتۇپ شىرشا، 20 ءتۇپ راۋشان گۇلى مۋزەي اۋلاسىنا وتىرعىزىلدى.
مەرەكەلىك شارا كونتسەرتتىك باعدارلامامەن جالعاسىن تاۋىپ، كەلگەن قوناقتارعا ناۋرىز داستارحانى جايىلدى.
