«Esik» memlekettik tarıhı-mádenı mýzeı-qoryǵynda Halyqaralyq eskertkishter men tarıhı oryndardy qorǵaý kúnine arnalǵan dástúrli merekelik is-shara ótti.
Saltanatty sharada «Esik» mýzeı-qoryǵynyń dırektory Gúlmıra Raıylqyzy Muhtarova quttyqtaý sóz sóılep, búgingi tańda mýzeı salasynyń jańa zamanǵa saı damyp kele jatqandyǵyn atap ótti.
Is-shara aıasynda Jambyl oblysy ákimdiginiń mádenıet, arhıvter jáne qujattama basqarmasyna qarasty Jambyl oblystyq tarıhı-ólketaný mýzeıiniń «Tarıhy tereń Taraz» atty kórmesiniń saltanatty ashylýy boldy. Ekspozıııamen Jambyl oblystyq tarıhı-ólketaný mýzeıiniń» qyzmetkeri Jansaıa Úshkempirqyzy Sembekova tanystyrdy.
Merekeliń is-shara aıasynda 2022 jyly «Esik» mýzeı-qoryǵymen belsendi áriptestik ornatqan BAQ, týrfırma, mádenıet salasynyń ókilderi men ustazdar jáne demeýshilermen kezdesý uıymdastyrylyp, olarǵa mýzeı isine qosqan úlesi úshin arnaıy marapattar tabystaldy.
Is-shara barysynda «Esik» memlekettik tarıhı-mádenı mýzeı-qoryǵynyń dırektory Muhtarova Gúlmıra Raıylqyzy men Jambyl oblystyq tarıhı-ólketaný mýzeıiniń dırektory Ilııas Seıitjan Rysbekuly eki mekeme arasynda ǵylymı, mádenı shyǵarmashylyqty nyǵaıtýǵa baılanysty tikeleı jáne ózara tıimdi yntymaqtastyqty ornatý, ulttyń mádenı jáne jazba murasyn saqtaý salasynda yntymaqtastyq ornatý maqsatynda memorandýmǵa qol qoıdy.
Jyldaǵy dástúr boıynsha mýzeı aýlasyn abattandyrý sharasy jalǵasyn taýyp, bıylǵy jyly Kókenovter áýletiniń demeýshiligimen 5 túp shyrsha, 20 túp raýshan gúli mýzeı aýlasyna otyrǵyzyldy.
Merekelik shara konerttik baǵdarlamamen jalǵasyn taýyp, kelgen qonaqtarǵa Naýryz dastarhany jaıyldy.
