تەكەلى تاۋلارىنىڭ باۋرايىن كەزگەن مايماق قوڭىر قونجىق ۆيدەوعا ءتۇسىپ قالدى. قىسقى ۇيقىدان ويانعان ۇرپەك قونجىق جەمتىك ىزدەپ، جوڭعار الاتاۋىنىڭ ەتەگىنە تۇسكەن، دەپ حابارلايدى "ادىرنا" ۇلتتىق پورتالى.
قازىر ايۋلاردىڭ اپاننان شىعىپ، تاۋ ەتەگىن جاعالايتىن كەزەڭى. ولار باۋرايداعى شوپتەسىن وسىمدىكتەرمەن قورەكتەنىپ، كەيدە ۇساق جاندىكتەردى اۋلايدى.
تيان-شان قوڭىر ايۋى ادام بالاسىن اسا جاتىرقامايدى. دەگەنمەن قىسقى ۇيقىدان ويانىپ، ارىپ-اشىپ جۇرگەن شاقتارىندا ايۋ اپاناعىنا جولاماعان دۇرىس. سەبەبى، قونجىق ءىستى مەن كىرەكەيدەن [ايۋدىڭ ەركەگى مەن ۇرعاشىسى] ۇزاپ كەتپەيدى. ولار قونجىعىن قىزعانىپ، ادامعا تۇرا ۇمتىلۋى مۇمكىن.
ورايى كەلگەندە ايتا كەتەيىك، 19 ءساۋىر كۇنى رايىمبەك اۋدانى، سارىباستاۋ اۋىلىنىڭ تۇرعىندارى مال جايىپ ءجۇرىپ، السىرەگەن قار بارىسىن ۇستاپ الدى. جارالى جىرتقىش الماتىداعى حايۋاناتتار باعىنا جەتكىزىلدى.
"ادىرنا" ۇلتتىق پورتالى
ۇقساس جاڭالىقتار
