استانانىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا وتكەن وتىرىس بارىسىندا LRT ءىسى بويىنشا سوت پروتسەسىندە سىرتتاي ۇكىم شىقتى، - دەپ حابارلايدى "ادىرنا" پورتالى.
سوت وتىرىسىندا سۋديا ۆيكتوريا سەمەنوۆا اردان مەن سۇلتانبەكوۆكە سىرتتاي ۇكىم شىعارىلعانىن، سەبەبى ولار قازاقستاننان تىس جەردە بولعاندىقتان جانە سوتقا كەلۋدەن جالتارىپ جۇرگەنىن ءتۇسىندىردى.
"سوت قانات سۇلتانبەكوۆ قر قك-نىڭ 1997 جىلعى رەداكتسيادا 235-باپتىڭ 3-بولىگى بويىنشا كىناسىز دەپ تانۋعا جانە ونى قىلمىس جاساعانى دالەلدەنبەگەنى ءۇشىن اقتاۋعا ۇكىم شىعاردى. قانات سۇلتانبەكوۆ قر قك-نىڭ 28-بابى 3-بولىگى، 189-بابى 2-تارماعى بويىنشا قىلمىس جاساعانى ءۇشىن كىنالى دەپ تانىلسىن جانە مەملەكەتتىك قىزمەتتە، سۋديا جانە جەرگىلىكتى ءوزىن-ءوزى باسقارۋ ورگاندارىندا قىزمەت اتقارۋ قۇقىعىنان ءومىر بويىنا ايىرا وتىرىپ، 7 جىلعا باس بوستاندىعىنان ايىرۋعا جازا تاعايىندالسىن. اردان تالعات قر قك-نىڭ 1997 جىلعى رەداكتسيادا 262-باپتىڭ 3-بولىگى بويىنشا كىناسىز دەپ تانىلسىن جانە ونىڭ قىلمىس جاساعانى دالەلدەنبەگەنى ءۇشىن اقتالسىن. قر قك-نىڭ 189-بابى 4-بولىگى 2-تارماعى بويىنشا جاسالعان قىلمىس ءۇشىن كىنالى دەپ تانىلسىن جانە مەملەكەتتىك قىزمەتتە، سۋديادا جانە جەرگىلىكتى ءوزىن-ءوزى باسقارۋ ورگاندارىندا لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 7 جىلعا باس بوستاندىعىنان ايىرۋ جازاسى تاعايىندالسىن", - دەدى سۋديا ۆيكتوريا سەمەنوۆا.ەسكە سالايىق، LRT ءىسى بويىنشا سوت 2020 جىلدىڭ كۇزىندە استانادا باستالدى. ايىپتالۋشىلار قاتارىندا 5,8 ميلليارد تەڭگەنى جىمقىردى دەپ ايىپ تاعىلعان جەتى ادام بار.